પશ્ચિમ બંગાળ: ચૂંટણી પંચે ફલતા વિધાનસભા બેઠક પર ફરી મતદાનનો કર્યો આદેશ, 21 મેંના રોજ વોટિંગ

Falta Assembly Repoll: દક્ષિણ 24 પરગણાની ફલતા વિધાનસભા બેઠક પર 29 એપ્રિલ, 2026ના રોજ થયેલા મતદાનમાં ગંભીર ગેરરીતિ અને લોકશાહી પ્રક્રિયામાં દખલગીરી બાદ ચૂંટણી પંચે મોટો નિર્ણય લીધો છે. પંચે મતદાન રદ કરીને 21 મે, 2026ના રોજ તમામ 285 પોલિંગ બૂથો પર ફરીથી મતદાન કરાવવાની જાહેરાત કરી છે. આ એક વિધાનસભા બેઠક માટે મતોની ગણતરી 24 મેના રોજ થશે.

સ્વચ્છ અને નિષ્પક્ષ ચૂંટણી કરવા પગલું: ચૂંટણી પંચ

ચૂંટણી પંચે પંચે જણાવ્યું છે કે 144 ફલતા વિધાનસભા મતવિસ્તારના તમામ 285 મતદાન મથકો પર ફરીથી મતદાન કરાવવામાં આવશે. જેમાં સહાયક મતદાન મથકોનો પણ સમાવેશ થશે. આ નિર્ણય લેતા ચૂંટણી પંચે કહ્યું છે કે બંગાળમાં ચૂંટણી પ્રક્રિયાને સ્વચ્છ અને નિષ્પક્ષ રાખવા માટે લેવામાં આવ્યું છે.

આ પણ વાંચો: ભવિષ્યમાં માણસ કે પ્રાણી બાળકો પેદા નહીં કરી શકે, વૈજ્ઞાનિકોએ 'સાયલન્ટ ફર્ટિલિટી ક્રાઈસિસ'ની આપી ચેતવણી

પશ્ચિમ બંગાળમાં 4 મેના રોજ મતોની ગણતરી થશે. ચૂંટણી પંચના આ નિર્ણયથી સ્પષ્ટ છે કે આ દિવસે ફલતા વિધાનસભા બેઠક પર થયેલા મતદાનની ગણતરી કરવામાં આવશે નહીં, પરંતુ પરિણામો જાહેર થયા બાદ 21 મેના રોજ ફરીથી ફલતા બેઠક પર મતદાન કરાવવામાં આવશે. 4 મેના રોજ રાજ્યની માત્ર 293 બેઠકો પર જ મતોની ગણતરી થશે.