ભારતીય ચૂંટણી પંચે SIR અંતર્ગત ફોર્મ-6ને લઈને ઊભી થયેલી મૂંઝવણ અંગે મોટી જાહેરાત કરી છે. ચૂંટણી પંચે સ્પષ્ટતા કરી છે કે, જે જૂના મતદારોનાં નામ ડ્રાફ્ટ મતદાર યાદીમાં નથી, તેઓ ફોર્મ-6 ભરી શકે છે. ચૂંટણી પંચના ધ્યાને આવ્યું હતું કે, SIRમાં જાહેર કરેલી ડ્રાફ્ટ મતદાર યાદીમાંથી ઘણાં જૂના મતદારોનાં નામ ગાયબ છે. આ મતદારો ફોર્મ-6 ભરતાં ડરતા હતા. કારણ કે, ફોર્મ-6માં એક જાહેરાત કરવાની હોય છે કે, ‘મારું નામ પ્રથમ વખત મતદાર યાદીમાં સામેલ થઈ રહ્યું છે.’