વિરાટ કોહલીને પાછળ છોડી શાહરુખ ખાન બન્યો ભારતનો સૌથી પ્રભાવશાળી સેલિબ્રિટી: બ્રાન્ડ વેલ્યુ ₹1,565 કરોડ પર પહોંચી

Shah Rukh Khan Top Celebrity: બોલિવૂડ સુપરસ્ટાર શાહરુખ ખાને વર્ષ 2025માં ભારત ક્ષેત્રે સૌથી પ્રભાવશાળી અને પાવરફુલ સેલિબ્રિટીનો તાજ પોતાના નામે કર્યો છે. 'ક્રોસ ઈન્ડિયા’ના તાજેતરના અહેવાલ મુજબ, શાહરુખ ખાનની બ્રાન્ડ વેલ્યુમાં ગયા વર્ષની સરખામણીએ 22%નો જંગી ઉછાળો નોંધાયો છે, જેના કારણે તેની કુલ બ્રાન્ડ વેલ્યુ $177.9 million (અંદાજે ₹1,565 crore) થઈ ગઈ છે. ઉલ્લેખનીય છે કે, વર્ષ 2024માં તે આ યાદીમાં ત્રીજા ક્રમે હતો.

રણવીર સિંહ બીજા ક્રમે યથાવત, વિરાટ કોહલી ત્રીજા સ્થાન પર લપસ્યો

સેલિબ્રિટી એન્ડોર્સમેન્ટ પોર્ટફોલિયો અને સોશિયલ મીડિયા પર પ્રભાવના આધારે તૈયાર કરાયેલા રેન્કિંગ મુજબ:

• રણવીર સિંહ: પોતાની શ્રેષ્ઠ બ્રાન્ડ્સ જાળવી રાખીને $162.9 million (અંદાજે ₹1,433 crore)ની બ્રાન્ડ વેલ્યુ સાથે બીજા સ્થાન પર યથાવત રહ્યો છે.
• વિરાટ કોહલી: સ્ટાર ક્રિકેટર વિરાટ કોહલીએ પોતાનું શિખર સ્થાન ગુમાવ્યું છે અને $158.4 million (અંદાજે ₹1,393 crore)ની બ્રાન્ડ વેલ્યુ સાથે ત્રીજા ક્રમે આવી ગયો છે.

ટોપ 25 સેલિબ્રિટીઝની કુલ બ્રાન્ડ વેલ્યુ ₹17,590 કરોડ

અહેવાલ મુજબ, વર્ષ 2025માં ભારતની ટોપ 25 સેલિબ્રિટીઝની એકંદર બ્રાન્ડ વેલ્યુ $2 billion (અંદાજે ₹17,590 crore) અંદાજવામાં આવી છે, જે ગયા વર્ષ કરતાં 3.7%નો ઘટાડો દર્શાવે છે. આ ઘટાડા પાછળનું મુખ્ય કારણ સમંથા રુથ પ્રભુ, જાહ્નવી કપૂર અને શ્રદ્ધા કપૂર જેવી નવી મહિલા કલાકારોનું નીચા વેલ્યુએશન બેન્ડમાં પ્રવેશવું છે. આ ઉપરાંત, અમેરિકી ડોલર સામે ભારતીય રૂપિયાના મૂલ્યમાં થયેલા ધોવાણને કારણે પણ આ આંકડો નીચો આવ્યો છે.

ડિજિટલ પ્લેટફોર્મ્સનો વધતો પ્રભાવ

ક્રોલના રિપોર્ટમાં જણાવાયું છે કે ડિજિટલ પ્લેટફોર્મ્સ હવે ટ્રેડિશનલ એડવર્ટાઇઝિંગ ઝુંબેશની પૂરક બની રહ્યા છે. અગાઉ જ્યાં એન્ડોર્સમેન્ટ પોર્ટફોલિયોમાં ડિજિટલ હિસ્સો 40-60% હતો, તે હવે વધીને 60-75% થઈ ગયો છે, જેનાથી બ્રાન્ડ્સ ટાર્ગેટેડ ઓડિયન્સ સુધી પહોંચી રહી છે.

શાહરુખ અને રણવીરના પોર્ટફોલિયોમાં ફેરફાર

• શાહરુખ ખાન: તેની બ્રાન્ડ વેલ્યુ $145.7 million (અંદાજે ₹1,282 crore)થી વધીને $177.9 million (અંદાજે ₹1,565 crore) થવાનું મુખ્ય કારણ તેની સાથે જોડાતી બ્રાન્ડ્સની સંખ્યા 28 (વર્ષ 2024)થી વધીને 36 (વર્ષ 2025) થવાનું છે. તેની એન્ડોર્સમેન્ટ ફી પ્રતિ બ્રાન્ડ અંદાજે ₹10 crore પર સ્થિર રહી હતી.
• રણવીર સિંહ: 'ધુરંધર' ફિલ્મની વ્યાવસાયિક સફળતા છતાં ક્લાયન્ટ લિસ્ટમાં ઘટાડો થવાથી તેની બ્રાન્ડ વેલ્યુમાં થોડો ઘટાડો થયો છે. તેની ફી ₹7.5 croreથી વધીને ₹8 crore થઈ હતી, પરંતુ બ્રાન્ડ્સની સંખ્યા 45 (વર્ષ 2024)થી ઘટીને 38 (વર્ષ 2025) થઈ ગઈ હતી.