હરણી-સમા લિન્ક રોડ શ્રુતિ મંદિર પાસે ખાેદકામથી એક મહિનાથી ટ્રાફિકની સમસ્યા

શહેરમાં અનેક વિસ્તારોમાં ટ્રાફિકની સમસ્યા જટિલ બનતી જાય છે.જેમાં મોટાભાગના કિસ્સાઓમાં ખોદકામ અને આડેધડ વાહન પાર્કિંગ કારણભૂત હોય છે.
હરણી-સમા લિન્ક રોડ પર આવેલા શ્રુતિ મંદિર નજીકના માર્ગ પર છેલ્લા એક મહિનાથી ખોદકામ કર્યા બાદ ડામર પાથરવાની કામગીરી નહિ થતાં અને બેરિકેડિંગ દૂર નહિ કરાતાં બાજુનો સાંકડો રસ્તો વન-વે બની ગયો છે.
આ રસ્તા પર લક્ઝરી બસો,ટ્રક,ટ્રેક્ટર અને જેસીબી જેવા વાહનો સામસામે આવી જાય તો ચક્કાજામ થતો હોવાથી ઝઘડા અને અકસ્માતના બનાવો બનતા હોય છે.આ સમસ્યાથી ત્રસ્ત સ્થાનિક રહીશો દ્વારા તંત્ર સમક્ષ વારંવાર રજૂઆત કરવામાં આવી હોવા છતાં હજી સુધી કામગીરી થઇ નથી.