મધ્યપ્રદેશ દર્શન કરવા ગયેલા પરિવારના ઘરમાં ચોરી

મધ્યપ્રદેશ દર્શન કરવા ગયેલા પરિવારના ઘરમાંથી ચોર ટોળકી સોનાના દાગીના તથા રોકડા ૧.૪૦ લાખ ચોરી ગઇ હતી.
કારેલીબાગ પ્રકાશનગર પાસે ગોકુળનગર સોસાયટીમાં રહેતા હેમેન્દ્ર પુરૃષોત્તમભાઇ અગ્રવાલ કારેલીબાગ વિસ્તારમાં નાસ્તાની લારી ચલાવે છે. ગત ૨ જી તારીખે તેઓ પરિવાર સાથે ઉજ્જૈન દર્શન કરવા ગયા હતા. તે દરમિયાન ત્રાટકેલી ચોર ટોળકી ઘરના આગળના દરવાજાની લોખંડની જાળીનો નકૂચો તોડીને અંદર ઘુસી હતી. ચોર ટોળકી ઘરમાંથી સોનાના અંદાજે ૫૪ ગ્રામ વજનના દાગીના તથા રોકડા ૧.૪૦ લાખ મળી કુલ ૫.૨૪ લાખની મતા લઇ ગઇ હતી. જે અંગે કુંભારવાડા પોલીસે વધુ તપાસ હાથ ધરી છે.