કોમનવેલ્થ ગેમ્સની બેટન-ધ્વજ આજે અમદાવાદને વિધિવત્ સોંપાશે, 2030 ની CWGની ઝલક પણ બતાવાશે

સ્કોટલેન્ડના ગ્લાસગો ખાતે યોજાઈ રહેલી કોમવેલ્થ ગેમ્સ-2026 ના સમાપન સમારોહ દરમિયાન અમદાવાદ શહેર માટે એક ઐતિહાસિક ક્ષણ આવી રહી છે. આ સમારોહમાં વર્ષ 2030 માટે યજમાન અમદાવાદને સત્તાવાર રીતે કોમવેલ્થ ગેમ્સની બેટન અને ધ્વજ સોંપવામાં આવશે. આ સાથે જ અમદાવાદની 2030 ની કોમવેલ્થ ગેમ્સના યજમાનપદની સત્તાવાર યાત્રાનો પ્રારંભ થશે.

હેન્ડઓવર સેરેમનીની ખાસ ઝલક
ગ્લાસગોમાં યોજાનારી આ સેરેમની ત્રણ ભાગમાં ભજવવામાં આવશે

• પ્રથમ એક્ટ: 'વંદે માતરમ્' ની ઉજવણી અને તેના 150 વર્ષ પૂર્ણ થવાની અભિવ્યક્તિ હશે.
• બીજો એક્ટ: શાસ્ત્રીય ભારતીય અને સ્કોટિશ સાંસ્કૃતિક જુગબંધી જોવા મળશે, જેમાં સિતારવાદક રિષભ રિખીરામ શર્મા અને સ્કોટિશ પાઈપ પ્લેયર રોસ એન્સલી વચ્ચે અદ્ભુત જુગબંધી થશે.
• આ હેન્ડઓવર કોઈ માત્ર ઔપચારિકતા નથી, પરંતુ એક જ સ્ટેજ પર બે રાષ્ટ્રોની ભાવના વ્યક્ત કરશે જ્યાં સિતાર અને પાઈપ્સ વચ્ચે અસાધારણ સૂરમેળ જોવા મળશે.

ક્વિન્સ બેટનનો ઇતિહાસ અને તેની વિશેષતા

• શરૂઆત: વર્ષ 1958 માં ક્વિન્સ બેટન રિલેની શરૂઆત વેલ્સના કાર્ડિફ ખાતે યોજાયેલી કોમવેલ્થ ગેમ્સથી થઈ હતી.
• પ્રવાસ: આ બેટન કોમવેલ્થના તમામ સભ્ય દેશોમાં ફેરવવામાં આવે છે અને ખેલાડીઓ, ભૂતપૂર્વ ખેલાડીઓ, સમાજના પ્રતિષ્ઠિત લોકો તેમજ યુવાનોને સોંપવામાં આવે છે.
• ડિઝાઇન: દરેક કોમવેલ્થ ગેમ્સ માટે એક નવું અને અનોખું બેટન બનાવાય છે, જેની ડિઝાઇન યજમાન દેશની સંસ્કૃતિ, ટેક્નોલોજી અને પરંપરાને દર્શાવે છે.

છેલ્લા કેટલાક વર્ષોમાં કોમવેલ્થ ગેમ્સ પાછળ થયેલો ખર્ચ

(નોંધ: ગ્લાસગો-2026 માં માત્ર હાલની સુવિધાઓનો ઉપયોગ કરીને લો-કોસ્ટ મોડેલ દ્વારા સૌથી ઓછા ખર્ચે યજમાની કરવામાં આવી છે.)