ICC દ્વારા 2022ની બેસ્ટ T20 ટીમ જાહેર, એક ગુજરાતી સહિત 3 ઈન્ડિયન પ્લેયરને સ્થાન

ભારતના વિરાટ કોહલી, સૂર્યકુમાર યાદવ અને હાર્દિક પંડ્યાને મળ્યું સ્થાન

ઈંગ્લેન્ડના જોસ બટલરને આ ટીમનો સુકાની જાહેર કરાયો

Updated: Jan 23rd, 2023

image : Twitter (ICC) 

નવી દિલ્હી, તા, 23 જાન્યુઆરી, 2023, સોમવાર

ઈન્ટરનેશનલ ક્રિકેટ કાઉન્સિલે 2022ની બેસ્ટ પુરુષ ટી-20 ઈન્ટરનેશનલ ટીમની જાહેરાત કરી દીધી છે. આ યાદીમાં ભારતના 3 ખેલાડીઓને સ્થાન મળ્યું છે. જ્યારે ઈંગ્લેન્ડના જોસ બટલરને આ ટીમનો સુકાની જાહેર કરાયો છે. 

ઝિમ્બાબ્વે અને આયરલેન્ડના 1-1 ખેલાડીને સ્થાન અપાયું

આઈસીસીની 2022ની બેસ્ટ ટીમમાં ભારતીય ટીમ તરફથી 3, પાકિસ્તાનના 2, ઈંગ્લેન્ડના 2,  શ્રીલંકા-ન્યૂઝીલેન્ડ તથા ઝિમ્બાબ્વે અને આયરલેન્ડના 1-1 ખેલાડીને સ્થાન અપાયું છે. ઉલ્લેખનીય છે કે ક્રિકેટની ટોપની સંસ્થા આખા વર્ષમાં સૌથી શ્રેષ્ઠ પ્રદર્શન કરનાર ખેલાડીઓને આ ટીમમાં સામેલ કરે છે. 

રઝા સ્પિન ઓલરાઉન્ડર છે તો લિટલ લેફ્ટ હેન્ડ ઝડપી બોલર

રસપ્રદ વાત એ છે કે 2022ની ટી-20 ઈન્ટરનેશનલ ટીમમાં આયરલેન્ડ અને ઝિમ્બાબ્વેના 1-1 ખેલાડીની પસંદગી કરાઈ છે. આમ તો બંનેએ આ ફોર્મેટમાં ગત વર્ષે જબરદસ્ત દેખાવ કર્યો હતો અને તેના કારણે જ ખેલાડીઓને આઈપીએલની હરાજીમાં ખરીદવામાં આવ્યા હતા. આ બંને ખેલાડીના નામ છે સિકંદર રઝા અને જોશ લિટલ. રઝા સ્પિન ઓલરાઉન્ડર છે તો લિટલ લેફ્ટ હેન્ડ ઝડપી બોલર છે. 

જાણો કોને મળ્યું ટીમમાં સ્થાન...

2022ની બેસ્ટ ટી-20 ટીમમાં જોસ બટલર(સુકાની અને વિકેટકીપર), મોહમ્મદ રિઝવાન, વિરાટ કોહલી, સૂર્યકુમાર યાદવ, ગ્લેન ફિલિપ્સ, સિકંદર રઝા, હાર્દિક પંડ્યા, સેમ કરેન, વાનિંદુ હસરંગા, હારિસ રઉફ અને જોશ લિટલ સામેલ છે.

    Sports

    RECENT NEWS