VIDEO: ટીમ ઈન્ડિયાના ખેલાડીના પ્લેયર એડિશન ધરાવતા 3 કિંમતી બેટની ચોરી, પૂછ્યું- 'હવે શું કરું?'
Summarized by AI; it may make mistakes. Check important info
Summarized by AI; it may make mistakes. Check important info
Deepak Chahar Cricket bats stolen: દીપક ચહર મેદાન પર ટ્રેનિંગ કરી રહ્યો હતો અને આ દરમિયાન તેની પીઠ પાછળ કંઈક એવું થયું જેની તેણે અપેક્ષા ન હતી કરી. દીપક ચહરના ત્રણ બેટ મેદાનમાંથી ચોરાઈ ગયા. આ પ્લેયર એડિશન બેટ હતા જેમની કિંમત ઘણી વધારે હોય છે. દીપક ચહરે જ્યારે પોતાના બેટ ગાયબ જોયા તો તેણે એક વીડિયો બનાવીને ફેન્સને પૂછ્યું કે હવે તેણે શું કરવું જોઈએ? દીપક ચહરે ત્યાં સુધી પૂછી લીધું કે શું તેણે પીએમ મોદી પાસે જવું જોઈએ કે સીએમ યોગી પાસે?
દોઢ લાખના બેટ ચોરાવા અંગે સોશિયલ મીડિયા પર ચહરનો વીડિયો
દીપક ચહરે બેટ ચોરાયા બાદ સોશિયલ મીડિયા પર એક વીડિયો પોસ્ટ કર્યો, જેમાં તેણે કહ્યું- ‘ગઈકાલે સાંજે ત્રણ બેટ, પ્લેયર એડિશન મેદાનમાંથી ચોરાઈ ગયા. હવે તમે જણાવો મારે શું કરવું જોઈએ. જે ચોરી કરી ગયો છે તેને એ ખબર નથી કે તે કેટલાના હતા. ત્રણ બેટ દોઢ લાખ રૂપિયાના હતા. હવે તે જઈને તેને વેચી દેશે, અથવા ટેનિસ બોલથી રમશે. ભાઈ મારી પાસેથી જ પૈસા લઈ લેતો, હું આપી દેત.’
દીપક ચહરે આગળ કહ્યું-
મારી પાસે ઘણા વિકલ્પો છે. કાં તો પોલીસમાં ફરિયાદ કરું, અથવા યોગી પાસે જાઉં કે મોદી પાસે, અથવા સીધી ભગવાનને ફરિયાદ કરું. જે પણ ચોરી કરી ગયો તેને સદ્બુદ્ધિ આપે અને મારા બેટ આપી જાય. હું તેને પૈસા આપી દઈશ. અથવા પછી કંપનીને રિક્વેસ્ટ કરીને બીજા બેટ મંગાવી લઉં. તમને શું લાગે છે અમારે શું કરવું જોઈએ.
ઈજાથી પ્રભાવિત કારકિર્દી અને દીપક ચહરનો આંતરરાષ્ટ્રીય ક્રિકેટ રેકોર્ડ
દીપક ચહર અત્યારે ટીમ ઈન્ડિયાની બહાર ચાલી રહ્યો છે. ઈજાના કારણે તેની કારકિર્દીને ઘણી અસર પહોંચી છે. આ ખેલાડીએ ભારત માટે 13 વનડે મેચોમાં 16 વિકેટ ઝડપી, જ્યારે 25 T20માં ચહરે 31 વિકેટ ઝડપી. ચહરે વનડેમાં 33.83ની સરેરાશથી 203 રન પણ બનાવ્યા. હવે આ ખેલાડી IPLમાં જોવા મળે છે અને હાલમાં તે મુંબઈ ઈન્ડિયન્સનો ભાગ છે.
