122 છગ્ગા અને 1488 રન... 'અજાણ્યા' ક્રિકેટરે બનાવ્યાં 2 વર્લ્ડ રેકોર્ડ, 2025માં T20Iનો ટોપ બેટર
Summarized by AI; it may make mistakes. Check important info
Summarized by AI; it may make mistakes. Check important info
T20I Top Batter Karanbir Singh: વર્ષ 2025 T20 આંતરરાષ્ટ્રીય ક્રિકેટમાં ભારતીય ટીમ માટે શાનદાર રહ્યું, જેમાં ઓપનર અભિષેક શર્માએ સૌથી વધુ રન બનાવ્યા. પરંતુ આશ્ચર્યની વાત એ છે કે આ વર્ષે T20 ક્રિકેટનો અસલી 'કિંગ' કોઈ ભારતીય નહીં, પરંતુ ઓસ્ટ્રિયાનો એક એવો ખેલાડી બન્યો છે, જેનું નામ કદાચ મોટાભાગના ક્રિકેટ ચાહકોએ સાંભળ્યું પણ નહીં હોય. ઓસ્ટ્રિયાના કરણબીર સિંહે પોતાની વિસ્ફોટક બેટિંગથી સૌને ચોંકાવી દીધા છે અને બે મોટા વર્લ્ડ રેકોર્ડ પોતાના નામે કર્યા છે.
ભારતનું પ્રદર્શન અને એક મોટું આશ્ચર્ય
વર્ષ 2025માં ભારતે 21 T20 મેચોમાંથી 16માં જીત મેળવી અને એશિયા કપ પણ જીત્યો. આ શાનદાર પ્રદર્શનમાં ઓપનર અભિષેક શર્માએ મહત્ત્વની ભૂમિકા ભજવી, જેણે 21 મેચોમાં 1 સદી અને 5 અડધી સદીની મદદથી 895 રન બનાવ્યા. તે ભારત માટે આ વર્ષનો ટોપ સ્કોરર રહ્યો. પરંતુ, આટલા શાનદાર પ્રદર્શન છતાં અભિષેક વિશ્વમાં સૌથી વધુ રન બનાવનાર ખેલાડીઓની યાદીમાં સાતમા સ્થાને રહ્યો. આ યાદીમાં પ્રથમ સ્થાને ઓસ્ટ્રિયાના કરણબીર સિંહે કબજો જમાવ્યો.
આ પણ વાંચોઃ ગૌતમ ગંભીરને હટાવી VVS લક્ષ્મણને ટેસ્ટ ટીમનો કોચ બનાવાશે? અટકળો બાદ BCCIનું મોટું નિવેદન
કરણબીર સિંહે તોડ્યો રિઝવાન-સૂર્યકુમારનો રેકોર્ડ
ઓસ્ટ્રિયાના કરણબીર સિંહે 2025માં T20 ક્રિકેટમાં રનનો વરસાદ કર્યો. તેણે 32 T20 મેચોમાં 51.31ની શાનદાર એવરેજ અને 174.85ના સ્ટ્રાઈક રેટથી 1488 રન બનાવ્યા, જેમાં 2 સદી અને 13 અડધી સદી સામેલ છે. આ સાથે જ કરણબીર કોઈ એક કેલેન્ડર વર્ષમાં સૌથી વધુ T20I રન બનાવનાર બેટર બની ગયો છે. તેણે પાકિસ્તાનના મોહમ્મદ રિઝવાનનો રેકોર્ડ તોડ્યો, જેણે 2021માં 1326 રન બનાવ્યા હતા. આ મામલે ભારતીય કેપ્ટન સૂર્યકુમાર યાદવ (1164 રન, 2022) હવે ચોથા સ્થાને છે.
છગ્ગાનો 'કિંગ', બનાવ્યો અનોખો વર્લ્ડ રેકોર્ડ
રણબીર સિંહે માત્ર રન જ નહીં, પરંતુ છગ્ગા ફટકારવામાં પણ એક અનોખો વિશ્વ રેકોર્ડ બનાવ્યો છે. તેણે આ વર્ષે T20 ઈન્ટરનેશનલમાં 122 છક્કા ફટકાર્યા. આવું પ્રથમ વખત બન્યું છે જ્યારે કોઈ બેટ્સમેને એક કેલેન્ડર વર્ષમાં T20 ઈન્ટરનેશનલમાં 100 કે તેથી વધુ છગ્ગા ફટકાર્યા હોય. આ યાદીમાં બીજા સ્થાને બહેરીનના ફિયાઝ અહેમદ છે, જેણે આ વર્ષે 69 છગ્ગા ફટકાર્યા છે. કરણબીરે જે બે વર્લ્ડ રેકોર્ડ બનાવ્યા છે, તેને તોડવું ભવિષ્યમાં ખૂબ જ મુશ્કેલ હશે.
કોણ છે કરણબીર સિંહ?
જમણેરી બેટ્સમેન કરણબીર સિંહના આ શાનદાર પ્રદર્શને તેને ક્રિકેટ જગતમાં ચર્ચામાં લાવી દીધો છે. તેણે ઓસ્ટ્રિયા માટે અત્યાર સુધીમાં 41 T20 ઈન્ટરનેશનલ મેચોમાં 169.22ની સ્ટ્રાઈક રેટ અને 47.80ની એવરેજથી 1721 રન બનાવ્યા છે. આ દરમિયાન તેના બેટમાંથી 2 સદી અને 16 અડધી સદી નીકળી છે.
