વડોદરા બીલ રોડ ઉપર સ્કૂટરમાં છુપાઈ રહેલા કોબ્રાનું રેસ્ક્યુ

Vadodara News : વડોદરામાં વાહનોમાં છુપાઈ જતા ઝેરી સરીસૃપોનું રેસ્ક્યુ કરવાના અવારનવાર બનાવો બને છે ત્યારે આજે બિલ રોડ ઉપર સ્કૂટરમાં છુપાઈ ગયેલા એક કોબ્રાનું સ્કૂટરના પાર્ટ્સ કાઢીને રેસ્ક્યુ કરવામાં આવ્યું હતું.
પાર્ક થયેલા સ્કૂટરમાં આગળના ભાગે મીટર નજીક એક કોબ્રા જોવા મળતા રાહદારીઓએ ફોરેસ્ટ વિભાગને જાણ કરી હતી. ફોરેસ્ટની ટીમ આવી ત્યારે કોબ્રા સ્કૂટરની અંદર છુપાઈ ગયો હોવાથી સ્કૂટરના ભાગ બહાર કાઢીને તેનું રેસ્ક્યુ કરવામાં આવ્યું હતું.
ફોરેસ્ટની ટીમે સાપને સુરક્ષિત સ્થળે છોડવાની તજવીજ કરી હતી. આમ લોકોની સમય સૂચકઆતાને કારણે એક ગંભીર બનાવ બનતો રહી ગયો હતો.