કરીના કપૂર ગર્ભવતી હોવાની વાતો અફવા, સૈફ અલી ખાનના બહેન સબાનો ખુલાસો

Kareena Kapoor not Pregnant: સૈફ અલી ખાનની બહેન અને કરીના કપૂર ખાનની નણંદ સબા ખાને ચોખવટ કરી દીધી છે કે તેની ભાભી કરીના કપૂર ખાન ગર્ભવતી નથી. તેની પોસ્ટમાં સબાએ તેની બહેન સોહા અલી ખાનને બીજું સંતાન કરવા સમજાવી રહી હોવાની વાત પણ કરી દીધી હતી.

કરીના કપૂર ખાન એક જિમમાંથી બહાર નીકળતી હતી ત્યારે પાપારાઝીઓએ લીધેલી તસવીરમાં તેનું પેટ ઉપસી આવ્યું હોવાનું દેખાતાં સોશિયલ પર તેને બેબી બમ્પ ગણાવી અફવા ચાલી હતી કે કરીના કપૂર ગર્ભવતી છે. એ પછી કરીનાની ટીમે પણ ચોખવટ કરી હતી કે કરીના ગર્ભવતી નથી.

સબાએ સોશ્યલ મિડિયા પર પોસ્ટ મુકી જણાવ્યું હતું કે હું મારી બહેનને બીજા સંતાન માટે સમજાવી રહી છું. કાશ, આ સાચું પડે. આ કહેવા બદલ તે મને મારી નાંખશે. કેટલીક ચીજો પ્રાઇવેટ જ રહેવા દેવી જોઇએ. કુણાલ ખેમુ અને સોહા અલી ખાનને એક પુત્રી ઇનાયા છે. કરીના કપૂરની આગામી ફિલ્મ દાયરાને મેઘના ગુલઝારે નિર્દેશિત કરી છે. આ ફિલ્મ 18 સપ્ટેમ્બરે થિયેટર્સમાં રજૂ થશે.