ઇતિહાસનો પ્રથમ 'AI-સંચાલિત' સાયબર હુમલો! તાઇવાનની સરકારનો ડેટા ચોરાયો, ન્યુક્લિયર એજન્સી ટાર્ગેટ પર

AI-Assisted Cyber Attack Hits Taiwan: તાઇવાન સરકારે જાહેરાત કરી છે કે ગત મહિને તેની સરકારી એજન્સીઓ પર દેશ બહારથી AI-આધારિત સાયબર હુમલા કરવામાં આવ્યા હતા. સુરક્ષા નિષ્ણાતો દ્વારા આ હુમલાને પોતાની જાતનો પ્રથમ અને અત્યંત જટિલ સાયબર બ્રીચ ગણાવવામાં આવ્યો છે.

હુમલાની શરૂઆત અને તપાસ

તાઇવાનના મિનિસ્ટ્રી ઑફ ડિજિટલ અફેર્સના જણાવ્યા અનુસાર, મંત્રાલયના સાયબર સિક્યોરિટી મોનિટરિંગ યુનિટ્સે 20 જુલાઈથી સરકારી એજન્સીઓને ટાર્ગેટ કરતાં આ "અસાધારણ હુમલા"ને ડિટેક્ટ કર્યા હતા. આ ઘટના સામે આવ્યા બાદ નેશનલ ઇન્સ્ટિટ્યૂટ ઑફ સાયબર સિક્યોરિટી દ્વારા તાત્કાલિક તપાસ હાથ ધરીને શ્રેણીબદ્ધ ચેતવણીઓ જાહેર કરવામાં આવી હતી.

ઈઝરાયલી સિક્યોરિટી ફર્મ 'ડ્રીમ'નો ચોંકાવનારો ખુલાસો
આ સાયબર ઘૂસણખોરીને પકડનાર ઈઝરાયેલી AI સિક્યોરિટી કંપની 'ડ્રીમ' એ જણાવ્યું હતું કે:

• હુમલાખોરોએ ઓપન-સોર્સ AI એજન્ટ્સનો ઉપયોગ કરીને એક સ્વાયત્ત હેકિંગ ટૂલ તૈયાર કર્યું હતું, જે એક સુસંગત અને સમન્વયિત સાયબર ટીમની જેમ કામ કરતું હતું.
• આ હુમલામાં મિસાઇલો કે સોફ્ટવેર કરતાં વધુ ખતરનાક AI ટૂલે ઓછામાં ઓછા 85 સરકારી યુઝર એકાઉન્ટ્સ સાથે કોમ્પ્રોમાઇઝ કર્યું હતું.
• હેકર્સે 2,500થી વધુ પર્સનલ રૅકોર્ડ્સ ચોરી લીધા હતા.
• ત્યારબાદ આ હુમલાનો વ્યાપ વધારીને તાઇવાનની ન્યુક્લિયર સેફ્ટી એજન્સી અને ઓછામાં ઓછી 7 એનર્જી કંપનીઓને પણ ટાર્ગેટ કરવામાં આવી હતી.

હુમલા પાછળ ચીનનો હાથ હોવાની પ્રબળ આશંકા
જોકે તાઇવાનના અધિકારીઓએ સીધો ચીન પર આરોપ લગાવ્યો નથી, પરંતુ બ્રિટીશ અખબારના અહેવાલ મુજબ ચીન સાથે જોડાયેલા હેકર્સ શંકાના ઘેરામાં છે.

• ડ્રીમ કંપનીએ જણાવ્યું કે હેકિંગ દરમિયાન આંતરિક કમ્યુનિકેશનમાં 'સિમ્પલિફાઇડ ચાઇનીઝ' ભાષાનો ઉપયોગ થયો હતો, જેનાથી આ હુમલાનું કનેક્શન ચીન સાથે હોવાની પ્રબળ શક્યતા છે.
• તાઇવાનના નેશનલ સિક્યોરિટી બ્યુરો મુજબ, 2025માં તાઇવાનની હૉસ્પિટલો અને બૅંકો જેવી મુખ્ય માળખાકીય સુવિધાઓ પર ચીની સાયબર હુમલામાં 6%નો વધારો થયો હતો, જ્યાં રોજના સરેરાશ 2.63 million (26.3 લાખ) હુમલા નોંધાયા હતા.

ઓપન ક્લો અને માનવ કૌશલ્યનું મિશ્રણ

મિનિસ્ટ્રી ઑફ ડિજિટલ અફેર્સના જણાવ્યા મુજબ, હેકર્સે માનવ સંચાલન અને 'Open Claw' જેવા AI એજન્ટ્સનું હાઇબ્રિડ મિશ્રણ અપનાવ્યું હતું.
આ દરમિયાન, 'Semgrep' કંપનીના સિક્યોરિટી રિસર્ચર ક્રિસ થોમસે જણાવ્યું હતું કે, આ હુમલો દર્શાવે છે કે AIના કારણે હેકર્સ કેટલી ઝડપથી પોતાના લક્ષ્ય સુધી પહોંચી શકે છે. જોકે તેમણે ઉમેર્યું હતું કે આ સિસ્ટમ 100% ઓટોનોમસ નહોતી; આદેશ આપનાર અને ટાર્ગેટ નક્કી કરનાર પાછળ કોઈ સક્ષમ માનવ ઓપરેટર જ હતો.

તાઇવાન સરકારે આ પ્રકારના નવા AI આધારિત જોખમો સામે નવી પ્રોટેક્ટિવ ગાઇડલાઇન્સ જાહેર કરી છે અને તમામ અસરગ્રસ્ત સિસ્ટમ્સને પુનઃ સુરક્ષિત કરી લીધી છે.