અજમાવી જૂઓ

અજમાના પાન મીઠું સાથે ચાવવાથી પાચનક્રિયા સુધરશે.

જૂતામાંથી 'ચર-ચર' અવાજ આવતાં હોય તો ટરપેઇનટાઇનનું થોડું તેલ નાંખી રગડવું. અવાજ બંધ થઇ જશે.

પકોડાને ક્રિસ્પી બનાવવા ચણના લોટમાં થોડો ચોખાનો લોટ અથવા રવો ભેળવવો.

સરકો અથવા કાંદાનો રસ સમાન માત્રામાં ભેળવી આ મિશ્રણથી સ્ટીટલના વાસણો ઘસવાથી વાસણ ચમકી ઊઠશે.

રેશમી કપડાં ધોતી વખતે પાણીમાં એક ચમચો ગ્લિસરીન ભેળવવાથી રેશમની ચમક જળવાઇ રહેશે.

લાકડાના ફર્નિચર પર ઘસરકા પડયા હોય તો તેના પર ભૂરું શૂ પૉલિશ રગડવાથી નિશાન છૂપાઇ જશે.

રસોડાની સિન્કની પાઇપમાંથી પાણી બરાબર જાય તે માટે મીઠાનું દ્રાવણ થોડા થોડા અઠવાડિયે નાખવું.

હવાચુસ્ત ડબ્બામાં પાણી ભરી તેમાં લીંબુ રાખી ડબ્બાને રેફ્રિજરેટરમાં રાખવાથી લીંબુ લાંબા સમય સુધી તાજા રાખી શકાય છે. ઉપરાંત તે લીંબૂ રસાદાર બનતા રસ વધુ નીકળે છે.

સમોસા, ઘુઘરા જેવી વાનગી બનાવવાના લોટના લુવા પૉલિથિન બેગમાં રાખાવાથી સૂકાશે નહીં જેથી લોટ વારંવાર મસળવો નહીં પડે.

મહેંદીને એક-બે કલાક આમલીના પાણીમાં પલાળી રાખી લગાડવાથી મહેદીનો રંગ ઘેરો આવે છે.

કાંદાને એક કલાક રેફ્રિજરેટરમાં રાખી સમારવાથી આંખમાંથી પાણી નહીં નીકળે.

મિનાક્ષી તીવારી