ઝારખંડમાં 'વાઘ ભમરી'નો આતંક, 25 દિવસમાં 5ના મોત, 200થી વધુ લોકોને ડંખ માર્યા

Terror of 'Tiger Wasps' in Jharkhand: ઝારખંડના ગિરિડીહ વિસ્તારમાં જંગલી ભમરી (તતૈયા/બિરની) ના હુમલાઓએ ભારે હાહાકાર મચાવ્યો છે. છેલ્લા 25 દિવસમાં જ ભમરીના ઝેરી ડંખના કારણે 5 લોકોના મોત થયા છે, જ્યારે અલગ-અલગ વિસ્તારોમાં 200 થી વધુ લોકો આ હુમલાનો શિકાર બન્યા છે. 60 થી વધુ લોકોને ગંભીર હાલતમાં સરકારી હોસ્પિટલમાં સારવાર અર્થે ખસેડવામાં આવ્યા છે.

સ્થાનિક તબીબોના જણાવ્યા મુજબ, આ ભમરીનો ડંખ અત્યંત ઝેરી અને ખતરનાક હોય છે. ડંખ મારતા જ શરીરમાં અસહ્ય બળતરા, સોજો અને એલર્જિક રિએક્શન આવે છે. છેલ્લા 4-5 વર્ષોમાં આ વિસ્તારમાં ભમરીના હુમલાથી 20થી વધુ લોકોએ જીવ ગુમાવ્યા હોવાના અહેવાલ છે.

‘એશિયન જાયન્ટ હોર્નેટ’ (વાઘ ભમરી) તરીકે ઓળખ

આ જંગલી ભમરીની ઓળખ ‘એશિયન જાયન્ટ હોર્નેટ’ (Asian Giant Hornet - વાઘ ભમરી) તરીકે કરવામાં આવી છે.

શારીરિક બનાવટ: આ ભમરી લગભગ 1.5 થી 2 ઇંચ લાંબી હોય છે અને તેના શરીર પર વાઘ જેવી પીળી અને કાળી પટ્ટીઓ (લકીરો) હોય છે.

ખતરનાક સ્વભાવ: સ્થાનિકોના જણાવ્યા મુજબ, આ ભમરી શરીર પર ચોંટી જાય પછી જલ્દી છોડતી નથી અને સતત ડંખ મારતી રહે છે.

વન વિભાગના રેન્જર અનિલ કુમારના જણાવ્યા અનુસાર, આ પ્રજાતિ અન્ય કોઈ વિસ્તારમાંથી અહીં સ્થળાંતરિત થઈ હોવાની શક્યતા છે.

25 દિવસમાં 5 કરૂણ મોત

2 સપ્ટેમ્બર: શાળાએથી પરત ફરતી વખતે સરકારી શિક્ષક દેવેન્દ્ર સિંહ પર હુમલો થયો, સારવાર દરમિયાન મોત.

7 સપ્ટેમ્બર: કાલેશ્વર યાદવ નામના વ્યક્તિનું મોત.

13 સપ્ટેમ્બર: જંગલમાં બકરી ચરાવવા ગયેલા ધનેશ્વર યાદવ પર હુમલો થતાં મોત.

15 સપ્ટેમ્બર: સાદિક મિયાંનું મોત.

25 સપ્ટેમ્બર: સબિયા દેવી નામના મહિલાનું મોત.

જંગલી ભમરીને કેવી રીતે ભગાડવી? (સુરક્ષાના ઉપાયો)

યોગ્ય સમય: જંગલી ભમરી સવારે અને સાંજના સમયે ખૂબ જ સુસ્ત હોય છે, તેથી તેના પુડા કે ઝૂંડને દૂર કરવા માટે આ સમય સૌથી યોગ્ય માનવામાં આવે છે.

સ્પ્રેનો ઉપયોગ: પાણીમાં ડિટર્જન્ટ પાઉડર (સર્ફ) અથવા લિક્વિડ સોપ મેળવીને તેના પૂડા (છત્તા) પર સ્પ્રે કરી શકાય છે.

સુરક્ષા કવચ: ભમરી દૂર કરવાની કામગીરી કરતી વખતે શરીરને સંપૂર્ણપણે જાડા કપડાંથી ઢાંકીને રાખવું જરૂરી છે.

નિષ્ણાતોની મદદ: વન વિભાગ અને આપદા પ્રબંધન (ડિઝાસ્ટર મેનેજમેન્ટ) ના નિષ્ણાતોની સલાહ અને મદદ લેવી અત્યંત આવશ્યક છે.