પ્રજાસત્તાક દિવસના ચીફ ગેસ્ટનો કોયડો ગૂંચવાયો, આમંત્રણ બાદ પાકિસ્તાની કનેક્શન ભારતને નામંજૂર!

Republic Day 2025: દેશ 26મી જાન્યુઆરીએ યોજાનાર પ્રજાસત્તાક દિવસની તૈયારીઓમાં વ્યસ્ત છે. મહેમાનોની યાદી તૈયાર છે. કેટલાકને આમંત્રણો પણ મોકલવામાં આવ્યા છે. પ્રજાસત્તાક દિવસની ઉજવણી માટે મુખ્ય મહેમાનનું નામ પણ નક્કી થઈ ગયું છે. આમંત્રણ મોકલવામાં આવ્યું છે. વિશ્વની સૌથી વધુ મુસ્લિમ વસ્તી ધરાવતા દેશના વડા પ્રજાસત્તાક દિવસે મુખ્ય મહેમાન બનશે. ભારત સરકારે ઇન્ડોનેશિયાના રાષ્ટ્રપતિ પ્રબોવો સુબિયાન્ટોને પ્રજાસત્તાક દિવસ પર મુખ્ય મહેમાન તરીકે આમંત્રણ આપ્યું છે. જો કે, હજુ સુધી સરકાર દ્વારા કોઈ સત્તાવાર જાહેરાત કરાઈ નથી. 

ઇન્ડોનેશિયાના રાષ્ટ્રપતિના આગમનથી શું સમસ્યા છે?

અહેવાલો અનુસાર, ઇન્ડોનેશિયાના રાષ્ટ્રપતિને આમંત્રણ આપવામાં ભારતને સમસ્યા ઊભી થઈ છે. ભારત સરકાર આ સમસ્યાના ઉકેલ માટે કામ કરી રહી છે. આનો ઉકેલ આવ્યા પછી જ તેમના આગમનની સત્તાવાર જાહેરાત થઈ શકશે.

આ પણ વાંચો: ભરતીકાંડ બાદ જાગી સરકાર, AMC માં 3 વર્ષ સુધી એક જ જગ્યાએ ફરજ બજાવનારાઓની બદલી થશે

જાહેરાતમાં વિલંબ કેમ થઈ રહ્યો છે?

જાહેરાતમાં વિલંબ થવાનું કારણ એ છે કે પાકિસ્તાની મીડિયામાં એવા અહેવાલો છે કે ઇન્ડોનેશિયાના રાષ્ટ્રપતિ 26મી જાન્યુઆરીએ ત્રણ દિવસની મુલાકાતે ઇસ્લામાબાદ પહોંચી શકે છે. 

ઉલ્લેખનીય છે. પાકિસ્તાન સાથેના સંબંધો સંપૂર્ણપણે બગડી ગયા છે, ત્યારથી ભારત તેની સાથે કોઈ સંબંધ ઇચ્છતું નથી. ભારત સરકાર તાજેતરના સમયમાં વિદેશી નેતાઓને ભારતની મુલાકાત લેતી વખતે તેમના પ્રવાસ કાર્યક્રમમાં પાકિસ્તાનનો સમાવેશ ન કરવા અને બંને દેશો સાથેના સંબંધોને અલગ રાખવા માટે પ્રોત્સાહિત કરી રહી છે.