Bihar Assembly Election Data : બિહારમાં ગુરુવારે (6 નવેમ્બર યોજાયેલા પ્રથમ તબક્કાના મતદાનમાં મતદારોનો ભારે ઉત્સાહ જોવા મળ્યો હતો, જેમાં મતદાન ટકાવારીના પાછલા તમામ રેકોર્ડ તૂટી ગયા છે. મુખ્ય ચૂંટણી કમિશનર જ્ઞાનેશ કુમારે બિહારના રેકોર્ડ મતદાનને ઐતિહાસિક ગણાવ્યું છે.
કોઈપણ કેન્દ્ર પર ગેરરીતિ થઈ નથી : ચૂંટણી પંચ
ચૂંટણી પંચે આજે (7 નવેમ્બર) જાહેરાત કરી છે કે, ‘પ્રથમ તબક્કાના મતદાન દરમિયાન ક્યાંય પણ ગેરરીતિ મળી નથી. પહેલા તબક્કાની ચૂંટણીને લઈને કરવામાં આવેલી તપાસ બાદ કોઈ પણ મતદાન કેન્દ્ર પર ગેરરીતિ મળી નથી અને કોઈ તરફથી ફરીથી મતદાન કરાવવાની ભલામણ પણ થઈ નથી.’
"After scrutiny, no discrepancy/malpractice was found at any of the Polling Station and no re-poll was recommended in Phase-I of the Bihar Legislative Assembly elections," says Election Commission of India after phase one of voting in Bihar elections. pic.twitter.com/7zXk6v5RI5
— ANI (@ANI) November 7, 2025
વધુ પડતા EVM પણ બદલવાની જરૂર ન પડી
બિહારના મુખ્ય ચૂંટણી અધિકારી વિનોદ કુમાર ગુંજિયાલે કહ્યું કે, ‘આ ચૂંટણીમાં અગાઉની સરખામણીમાં ઓછી સંખ્યામાં EVM બદલવામાં આવ્યા છે, જે ચૂંટણી વ્યવસ્થાપનની શ્રેષ્ઠ કામગીરી દર્શાવે છે. આ વખતે માત્ર 1.21 ટકા બેલેટ યુનિટ્સ બદલવામાં આવ્યા, જ્યારે 2020ની ચૂંટણીમાં 1.87 ટકા બેલેટ યુનિટ્સ બદલવા પડ્યા હતા. મતદાન દરમિયાન કુલ 165 બેલેટ યુનિટ, 169 કંટ્રોલ યુનિટ અને 480 વીવીપેટ બદલવામાં આવ્યા હતા.
મહિલા સંચાલિત મતદાન કેન્દ્રોની સંખ્યા 926
ચૂંટણી પંચે કહ્યું કે, પ્રથમ તબક્કામાં કુલ 1314 ઉમેદવારો ચૂંટણી મેદાનમાં હતા, જેમાં 1192 પુરુષ અને 122 મહિલા ઉમેદવારોનો સમાવેશ થાય છે. આ ચૂંટણી માટે શહેરી વિસ્તારોમાં લગભગ 8609 મતદાન કેન્દ્રો અને ગ્રામીણ વિસ્તારોમાં 36733 મતદાન કેન્દ્રો ઉભા કરાયા હતા. સંપૂર્ણપણે મહિલાઓ દ્વારા સંચાલિત મતદાન કેન્દ્રોની સંખ્યા 926 હતી.
તમામ મતદાન કેન્દ્રોથી જીવંત પ્રસારણ
તમામ મતદાન કેન્દ્રો પરથી લાઈવ ટેલિકાસ્ટિંગ કરવામાં આવ્યું હતું. આ દરમિયાન મળેલી તમામ ફરિયાદોનો નિકાલ લવાયો હતો. કુલ 143 ફરિયાદો મળી હતી, જેનું સમાધાન તાત્કાલીક કરાયું હતું. પ્રથમ તબક્કાની ચૂંટણી માટે ચાર લાખથી વધુ મતદાન કર્મચારીઓને ડ્યુટી પર મુકાતા હતા.
આ પણ વાંચો : ‘મંત્રીના પુત્રને 1800 કરોડની જમીન 300 કરોડમાં વેચી દેવાઈ’, રાહુલ ગાંધીના આરોપથી ખળભળાટ
