ઉત્તર પ્રદેશમાં CJP ની સૌથી મોટી ટીમ મેદાને, ચૂંટણી લડવાના પ્લાન વિશે દીપકેએ આપ્યો આવો જવાબ
Summarized by AI; it may make mistakes. Check important info
Summarized by AI; it may make mistakes. Check important info

CJP And Uttar Pradesh Election : અભિજિત દીપકેની આગેવાની હેઠળની 'કોકરોચ જનતા પાર્ટી' (CJP) એ દેશના 10 રાજ્યોમાં પોતાની પ્રદેશ સ્તરીય સમિતિઓની જાહેરાત કરીને રાજકીય ગલિયારામાં હલચલ મચાવી દીધી છે. ખાસ કરીને એવા સમયે જ્યારે ઉત્તર પ્રદેશમાં વિધાનસભા ચૂંટણી નજીક છે, ત્યારે CJP દ્વારા યુપીમાં સૌથી મોટી અને 16 સભ્યોની મજબૂત ટીમ મેદાનમાં ઉતારવામાં આવી છે.
રાજ્યોમાં સંગઠનનું વિસ્તરણ
પાર્ટી દ્વારા તાજેતરમાં જાહેર કરાયેલા આંકડા મુજબ ઉત્તર પ્રદેશમાં સૌથી વધુ ૧૬ સભ્યો છે, જ્યારે મહારાષ્ટ્રમાં 15, ઝારખંડ અને પૂર્વોત્તરમાં 14-14, બિહારમાં 13, પશ્ચિમ બંગાળમાં 12, હરિયાણા અને ઉત્તરાખંડમાં 6-6, રાજસ્થાનમાં ૫ અને જમ્મુ-કાશ્મીરમાં 4 સભ્યોની નિમણૂક કરવામાં આવી છે. પાર્ટીનો મુખ્ય હેતુ લોકસભા અને વિધાનસભા સ્તર સુધી જઈને જનતાના પ્રશ્નો ઉઠાવવાનો અને નેતાઓના અધૂરા વાડાઓની જવાબદારી નક્કી કરવાનો છે.
શું CJP ચૂંટણી લડશે?
આગામી ચૂંટણીઓને લઈને અટકળો ચાલી રહી હતી કે શું પાર્ટી મેદાનમાં ઉતરશે? પરંતુ CJP એ સ્પષ્ટ કરી દીધું છે કે તેઓ ચૂંટણી લડવાના નથી. રાષ્ટ્રીય મીડિયા સંયોજક સુભાશ્રી દાસના જણાવ્યા મુજબ, તેઓ એક 'પોલિટિકલ પ્રેશર ગ્રુપ' તરીકે કામ કરશે અને ભવિષ્યમાં કોઈ નવી રાજકીય પાર્ટી બનાવવાની હાલ કોઈ યોજના નથી.
ચૂંટણી પંચ અને સરકાર સામે મોરચો
હાલમાં CJP સીએએ (SIR) અને અન્ય મુદ્દાઓને લઈને ભાજપ સરકાર સામે આક્રમક દેખાવો કરી રહી છે. આ ઉપરાંત, પાર્ટીએ ચૂંટણી પંચ સામે પણ મોરચો ખોલી દીધો છે અને મુખ્ય ચૂંટણી કમિશનરને પદ પરથી હટાવવાની માંગ સાથે દેશમાં નિષ્પક્ષ ચૂંટણી વ્યવસ્થા લાગુ કરવા માટે સંઘર્ષ ચાલુ રાખવાની જાહેરાત કરી છે.




