દેશમાં કાર્યરત 32 નકલી યુનિવર્સિટીઓ, UGCએ જાહેર કરી ચેતવણી, ગુજરાતની એકપણ નહીં

UGC Identifies 32 Fake Universities In India: શિક્ષણ ક્ષેત્રે વિદ્યાર્થીઓ સાથે થતી છેતરપિંડી રોકવા માટે કેન્દ્ર સરકાર અને યુનિવર્સિટી ગ્રાન્ટ્સ કમિશન(UGC) દ્વારા કડક પગલાં ભરવામાં આવી રહ્યા છે. કેન્દ્ર સરકારે રાજ્યસભામાં એક પ્રશ્નના લેખિત જવાબમાં માહિતી આપી છે કે, દેશમાં હાલ 32 સંસ્થાઓ નકલી (ગેરકાયદેસર) યુનિવર્સિટી તરીકે કાર્યરત હોવાનું સામે આવ્યું છે.

શિક્ષણમંત્રીએ રાજ્યસભામાં આપી માહિતી

શિક્ષણ રાજ્ય મંત્રી ડૉ. સુકાંત મજુમદારે રાજ્યસભામાં જણાવ્યું હતું કે, શિક્ષણ એ સમવર્તી યાદીમાં સમાવિષ્ટ છે, તેથી કેન્દ્ર અને રાજ્ય સરકારો આ અંગે સાથે મળીને કામ કરી રહી છે. UGC દ્વારા ફેબ્રુઆરી 2026માં પ્રકાશિત કરવામાં આવેલી તાજેતરની યાદી મુજબ 32 સંસ્થાઓને નકલી યુનિવર્સિટીઓ જાહેર કરવામાં આવી છે. આ યાદી UGCની સત્તાવાર વેબસાઇટ પર પણ જાહેર જનતા માટે ઉપલબ્ધ કરાવવામાં આવી છે.

UGC અને કેન્દ્ર સરકાર દ્વારા લેવાયેલા કડક પગલાં

કારણદર્શક નોટિસ અને ચેતવણી: આવી સ્વયં-ઘોષિત નકલી સંસ્થાઓને સ્પષ્ટીકરણ પત્રો, કારણદર્શક નોટિસો અને આખરી ચેતવણીઓ જારી કરવામાં આવી છે.

જાહેર સજાગતા: વિદ્યાર્થીઓ અને વાલીઓ છેતરપિંડીનો ભોગ ન બને તે માટે UGCની વેબસાઇટ પર જાહેર નોટિસ જારી કરીને સાવચેત કરવામાં આવ્યા છે.

FIR નોંધવા સૂચના: સંબંધિત રાજ્યો અને કેન્દ્રશાસિત પ્રદેશોના મુખ્ય સચિવો તથા શિક્ષણ સચિવોને પત્ર લખીને UGC અધિનિયમ, 1956ના ઉલ્લંઘન બદલ આ નકલી સંસ્થાઓ સામે યોગ્ય કાનૂની કાર્યવાહી કરવા અને FIR નોંધવા વિનંતી કરવામાં આવી છે.

દેશની 32 નકલી યુનિવર્સિટીઓની યાદી (ફેબ્રુઆરી 2026)

ક્રાઇસ્ટ ન્યૂ ટેસ્ટામેન્ટ ડીમ્ડ યુનિવર્સિટી
રાજ્ય: આંધ્ર પ્રદેશ
સરનામું: #32-32-2003, 7મી લેન, કાકુમાનુવારિથોટા, ગુન્ટુર – 522002. અન્ય સરનામું: ફ્લેટ નં. 301, ગ્રેસ વિલા એપાર્ટમેન્ટ, 7/5, શ્રીનગર, ગુન્ટુર – 522002.

બાઇબલ ઓપન યુનિવર્સિટી ઑફ ઇન્ડિયા
રાજ્ય: આંધ્ર પ્રદેશ
સરનામું: H. No. 49-35-26, એનજીઓ કોલોની, વિશાખાપટ્ટનમ – 530016.

ઇન્ડિયન ઇન્સ્ટિટ્યૂટ ઑફ અલ્ટરનેટિવ મેડિસિન
રાજ્ય: અરુણાચલ પ્રદેશ
સરનામું: 130/A, સેક્રેટારિયેટ S.O., અરુણાચલ પ્રદેશ – 791111.

માઉન્ટેન ઇન્સ્ટિટ્યૂટ ઑફ મેનેજમેન્ટ ઍન્ડ ટૅક્નોલૉજી
રાજ્ય: દિલ્હી
સરનામું: 109, મધુબન બિલ્ડિંગ, ક્રાતી કમ્યુનિકેશન્સ, 55, નેહરુ પ્લેસ, નવી દિલ્હી – 110019.

વર્લ્ડ પીસ ઑફ યુનાઇટેડ નેશન્સ યુનિવર્સિટી (WPUNU)
રાજ્ય: દિલ્હી
સરનામું: નં. 201, 2મો માળ, બેસ્ટ બિઝનેસ પાર્ક, નેતાજી સુભાષ પ્લેસ, પીતમપુરા, નવી દિલ્હી – 110034.

ઇન્સ્ટિટ્યૂટ ઑફ મેનેજમેન્ટ ઍન્ડ એન્જિનિયરિંગ
રાજ્ય: દિલ્હી
સરનામું: 1810/4, પ્રથમ માળ, કોટલા મુબારકપુર.

નેશનલ ઇન્સ્ટિટ્યૂટ ઑફ મેનેજમેન્ટ સોલ્યુશન
રાજ્ય: દિલ્હી
સરનામું: B-1/1, જનકપુરી.

ઓલ ઇન્ડિયા ઇન્સ્ટિટ્યૂટ ઑફ પબ્લિક ઍન્ડ ફિઝિકલ હેલ્થ સાયન્સિસ (AIIPHS) સ્ટેટ ગવર્નમેન્ટ યુનિવર્સિટી
રાજ્ય: દિલ્હી
સરનામું: ઑફિસ નં. 608-609, પ્રથમ માળ, સંત કૃપાલ સિંહ પબ્લિક ટ્રસ્ટ બિલ્ડિંગ, BDO ઑફિસ પાસે, અલીપુર, દિલ્હી – 110036.

કોમર્શિયલ યુનિવર્સિટી લિમિટેડ
રાજ્ય: દિલ્હી
સરનામું: દરિયાગંજ, દિલ્હી.

યુનાઇટેડ નેશન્સ યુનિવર્સિટી
રાજ્ય: દિલ્હી.

વોકેશનલ યુનિવર્સિટી
રાજ્ય: દિલ્હી.

ADR-સેન્ટ્રિક જ્યુરિડિકલ યુનિવર્સિટી
રાજ્ય: દિલ્હી
સરનામું: ADR હાઉસ, 8J, ગોપાલા ટાવર, 25 રાજેન્દ્ર પ્લેસ, નવી દિલ્હી – 110008.

ઇન્ડિયન ઇન્સ્ટિટ્યૂટ ઑફ સાયન્સ ઍન્ડ એન્જિનિયરિંગ
રાજ્ય: દિલ્હી
સરનામું: નવી દિલ્હી.

વિશ્વકર્મા ઓપન યુનિવર્સિટી ફોર સેલ્ફ એમ્પ્લોયમેન્ટ
રાજ્ય: દિલ્હી
સરનામું: રોજગાર સેવાસદન, 672, સંજય એન્ક્લેવ, GTK ડેપો સામે, દિલ્હી – 110033.

અધ્યાત્મિક વિશ્વવિદ્યાલય (સ્પિરિચ્યુઅલ યુનિવર્સિટી)
રાજ્ય: દિલ્હી
સરનામું: 351-352, ફેઝ-1, બ્લોક-A, વિજય વિહાર, રિઠાલા, રોહિણી, દિલ્હી – 110085.

મેજિક ઍન્ડ આર્ટ યુનિવર્સિટી
રાજ્ય: હરિયાણા
સરનામું: 308A, દશમેશ પ્લાઝા, મથુરા રોડ, ફરીદાબાદ.

દક્ષા યુનિવર્સિટી (વોકેશનલ ઍન્ડ લાઇફ સ્કિલ એજ્યુકેશન)
રાજ્ય: ઝારખંડ
સરનામું: ભાસ્કર પથ, ન્યૂ પુન્ડાગ, મસિબારી, રાંચી – 834007.

ગ્લોબલ હ્યુમન પીસ યુનિવર્સિટી
રાજ્ય: કર્ણાટક
સરનામું: #1035, 4થો બ્લોક, ગોલ્ડન હાઇટ્સ પાસે, ડૉ. રાજકુમાર રોડ, રાજાજી નગર, બેંગલુરુ – 560010.

સર્વ ભારતીય શિક્ષા પીઠ
રાજ્ય: કર્ણાટક
સરનામું: S.K. ચૌલટ્રી પાસે, દેવાનુર મેઇન રોડ, વિજયા નગર, તુમકુર – 572102.

ઇન્ટરનેશનલ ઇસ્લામિક યુનિવર્સિટી ઑફ પ્રોફેટિક મેડિસિન (IIUPM)
રાજ્ય: કેરળ
સરનામું: કુન્નમંગલમ, કોઝિકોડ – 673571.

સેન્ટ જોન્સ યુનિવર્સિટી
રાજ્ય: કેરળ
સરનામું: કિશનાટ્ટમ, કેરળ.

રાજા અરેબિક યુનિવર્સિટી
રાજ્ય: મહારાષ્ટ્ર
સરનામું: નાગપુર.

નેશનલ બેકવર્ડ કૃષિ વિદ્યાપીઠ
રાજ્ય: મહારાષ્ટ્ર
સરનામું: તડવાલ, તાલુકો અક્કલકોટ, જિલ્લો સોલાપુર.

ઉષા લક્ષ્મુનન કોલેજ ઑફ એજ્યુકેશન
રાજ્ય: પુડુચેરી
સરનામું: ટી.વી. મલાઈ રોડ, વઝાપડિયાર નગર, તિરુકન્નુર.

શ્રી બોધિ એકેડમી ઑફ હાયર એજ્યુકેશન
રાજ્ય: પુડુચેરી
સરનામું: નં. 186, થિલાસપેટ, વઝુથાવૂર રોડ, પુડુચેરી – 605009.

રાજીવ ગાંધી ઇન્સ્ટિટ્યૂટ ઑફ ટેકનોલોજી ઍન્ડ મેનેજમેન્ટ
રાજ્ય: રાજસ્થાન
સરનામું: માનસા ચોક, ભિવાડી, જિલ્લો અલવર.

ગાંધી હિન્દી વિદ્યાપીઠ
રાજ્ય: ઉત્તર પ્રદેશ
સરનામું: પ્રયાગ, અલ્હાબાદ, ઉત્તર પ્રદેશ.

નેતાજી સુભાષ ચંદ્ર બોઝ યુનિવર્સિટી (ઓપન યુનિવર્સિટી)
રાજ્ય: ઉત્તર પ્રદેશ
સરનામું: અચલતાલ, અલીગઢ.

ભારતીય શિક્ષા પરિષદ
રાજ્ય: ઉત્તર પ્રદેશ
સરનામું: ભારત ભવન, મટિયારી ચિન્હટ, ફૈઝાબાદ રોડ, લખનૌ – 227105.

મહામાયા ટેક્નિકલ યુનિવર્સિટી
રાજ્ય: ઉત્તર પ્રદેશ
સરનામું: P.O. મહર્ષિ નગર, જિલ્લો ગૌતમ બુદ્ધ નગર, સેક્ટર 110 સામે, નોઈડા – 201304.

ઇન્ડિયન ઇન્સ્ટિટ્યૂટ ઑફ અલ્ટરનેટિવ મેડિસિન
રાજ્ય: પશ્ચિમ બંગાળ
સરનામું: કોલકાતા.

ઇન્સ્ટિટ્યૂટ ઑફ અલ્ટરનેટિવ મેડિસિન ઍન્ડ રિસર્ચ
રાજ્ય: પશ્ચિમ બંગાળ
સરનામું: 8-A, ડાયમંડ હાર્બર રોડ, બિલ્ટેક ઇન, 2મો માળ, ઠાકુરપુકુર, કોલકાતા – 700063.

સંસ્થાઓ બંધ કરાવવા આદેશ: કેન્દ્ર સરકારે તમામ રાજ્યોને આવી ગેરકાયદેસર સંસ્થાઓને તાત્કાલિક અસરથી બંધ કરાવવા અને ખોટી રીતે 'યુનિવર્સિટી' શબ્દનો ઉપયોગ કરીને ડિગ્રીઓ આપનારા તત્ત્વો સામે કડક પગલાં લેવા આદેશ આપ્યા છે.