મસ્તી ફોરની એકટ્રેસ રુહીના નામે અશ્લીલ ચેટ્સ વાયરલ

રુહીએ પોલીસ ફરિયાદ નોંધાવી

કોઈ ભેજાબાજે રુહી સિંહનો નંબર હોવાનો દાવો કરી વ્હોટસ એપ પર ચેટ વાયરલ કરી 

મુંબઈ -   'મસ્તી ફોર'ની હિરોઈન રુહી સિંહ ફ્રોડનો શિકાર બની છે. કોઈ ભેજાબાજે તેનો મોબાઈલ નંબર હોવાનો દાવો કરી વ્હોટસ એપ પરથી અશ્લીલ મેસેજીસ વાયરલ  કર્યા હતા. રુહી સિંહે આ વિશે પોલીસને ફરિયાદ પણ આપી છે. 

રુહીએ સ્પષ્ટતા કરતાં કહ્યું હતું કે આ ચેટ્સમાં દર્શાવાયેલો નંબર તેનો નથી. તેને આ મેસેજીસ સાથે કોઈ લેવાદેવા નથી. 

રુહીએ આ ચેટ્સના સ્ક્રીન શોટ્સ પણ તેના સોશિયલ મીડિયા એકાઉન્ટ પર પોસ્ટ કર્યા હતા અને ચાહકોને આ ફ્રોડથી સાવચેત રહેવા જણાવ્યું હતું. 

રુહીએ કન્ફર્મ કર્યું હતું કે તેણે સાયબર પોલીસને આ વિશે ફરિયાદ આપી છે અને હવે પોલીસ સંબંધિત વ્યક્તિને ટ્રેસ કરવાનો પ્રયાસ કરી રહી છે. 

રુહી પહેલાં અન્ય હિરોઈનો પણ આ રીતે ફેક વ્હોટસ એપ સ્કેમનો શિકાર બની ચૂકી છે.