આરોપી નિદા ખાનના પતિએ છૂટાછેડાની અરજી દાખલ કરી

ટીસીએસ ઉત્પીડન-ધર્મ પરિવર્તન કેસ

અરજીને પગલે  ફેમિલી કોર્ટે નિદાને સમન્સ જારી કર્યા

નાશિક -   ટાટા કન્સલ્ટન્સી સવસીસ (ટીસીએસ) ના નાસિક યુનિટમાં કથિત જાતીય સતામણી અને ધર્મ પરિવર્તન કેસમાં આરોપી નિદા ખાનને તેના પતિ દ્વારા દાખલ કરાયેલી છૂટાછેડાની અરજી બાદ અહીંની એક ફેમિલી કોર્ટે સમન્સ જારી કર્યું છે.

સૂત્રોના જણાવ્યા અનુસાર, નિદાના પતિ દ્વારા તેમના લગ્ન રદ કરવા માટે દાખલ કરાયેલી છૂટાછેડાની અરજી બાદ ૨૨ ઓગસ્ટના રોજ સમન્સ જારી કરવામાં આવ્યું હતું.

 કોર્ટે ખાન અથવા તેના વકીલને ૧૬ ઓક્ટોબરે હાજર રહેવાનો આદેશ આપ્યો છે. ટીસીએસ કેસમાં ધરપકડ કરાયેલ ખાનને બાદમાં જામીન આપવામાં આવ્યા હતા.

ટીસીએસ જાતીય સતામણી અને ધર્માંતરણ કેસની તપાસ કરી રહેલી સ્પેશિયલ ઇન્વેસ્ટિગેશન ટીમ (એસઆઈટી) એ અત્યાર સુધીમાં બે ચાર્જશીટ દાખલ કરી છે.