ફટકડીથી ફેસ માસ્ક? અભિનેત્રીએ બતાવ્યો DIY ફેસ પેક તૈયાર કરવાનો સરળ ઉપાય

Alum Face Mask: એક્ટ્રેસ નીલમ કોઠારી 58 વર્ષની ઉંમરે પણ પોતાના ચમકદાર વાળ અને દમકતી ત્વચા માટે જાણીતી છે. 58 વર્ષની ઉંમરે પણ તેની સ્કીન ચમકદાર છે. નીલમ પોતાની સ્કીનનું ધ્યાન રાખવા માટે મોટાભાગે પોતાની માતાના ઘરેલુ નુસ્ખાઓને ફોલો કરે છે. આ સાથે જ નીલમ પોતાની યુટ્યુબ પર વીડિયો શેર કરીને પોતાના ફેન્સને પોતાની ગ્લોઈંગ સ્કીનનું રહસ્ય જણાવતી રહે છે. હવે ફરી એકવાર નીલમે એક વીડિયો શેર કર્યો છે, જેમાં તેણે જણાવ્યું કે તેમની સ્કીન પર ખીલ એટલે કે એક્ને થવાની સમસ્યા રહે છે. એટલા માટે તે એક સરળ ઘરેલુ ફેસ માસ્ક લગાવે છે, જે ચહેરા પર સારો ગ્લો લાવવામાં મદદ કરે છે. નીલમ ઘરે જ ફટકડીથી ફેસ માસ્ક બનાવે છે. ચાલો તમને જણાવીએ કે ફટકડીથી ફેસ માસ્ક કેવી રીતે બનાવવો અને તેનો ઉપયોગ કેવી રીતે કરવો.

ફટકડીથી ફેસ માસ્ક કેવી રીતે બનાવવો

નીલમ કોઠારીએ વીડિયોમાં જણાવ્યું કે આ ફેસ પેક બનાવવા માટે હું એક વાટકી દહીંમાં થોડી હળદર અને એક ચપટી ફટકડી મિક્સ કરું છું. નીલમે કહ્યું કે, ફટકડી ખૂબ જ ઓછી માત્રામાં જ નાખવી જોઈએ, કારણ કે વધારે ફટકડી ત્વચામાં બળતરા પેદા કરી શકે છે. ત્યારબાદ હું તેમાં ગ્લિસરીન અને એલોવેરા જેલ મિક્સ કરું છું. આ માસ્કની ખાસ વાત એ છે કે તેમાં થોડો કોફી પાઉડર પણ ઉમેરવામાં આવે છે. નીલમના જણાવ્યા પ્રમાણે કોફીમાં રહેલું કેફીન ચહેરાનો સોજો ઓછો કરવા અને ત્વચાને ફ્રેશ દેખાડવામાં મદદ કરી શકે છે.

કેવી રીતે કરવો ઉપયોગ

ત્યારબાદ નીલમ છેલ્લે થોડું ગુલાબજળ ઉમેરીને તમામ વસ્તુઓને સારી રીતે મિક્સ કરે છે અને ચહેરા પર લગાવી લે છે. લગભગ 20 મિનિટ પછી તે ચહેરાને પાણીથી ધોઈ લે છે. નીલમનું કહેવું છે ,કે આ ફેસ પેક ચહેરા પર ગ્લો લાવવા, પિગ્મેન્ટેશનની સમસ્યા ઓછી કરવા અને ત્વચાને ઠંડક પહોંચાડવામાં મદદરૂપ લાગે છે.

એક્સપર્ટનો શું છે અભિપ્રાય?

સ્કીન એક્સપર્ટ ડો. રૂપિકા સિંહના જણાવ્યા પ્રમાણે ફટકડી ત્વચાને કેટલાક સમય માટે ટાઈટ જરૂર અનુભવાવી શકે છે, પરંતુ આના માટે મજબૂત વૈજ્ઞાનિક પુરાવા ઉપલબ્ધ નથી. એટલા માટે DIY ફેસ પેકમાં તેનો ઉપયોગ સાવધાનીપૂર્વક કરવો જોઈએ. તેમણે જણાવ્યું કે ફટકડીની પ્રકૃતિ ત્વચાને ડ્રાય બનાવી શકે છે અને સ્કીન બેરિયરને નુકસાન પહોંચાડી શકે છે. સંવેદનશીલ અથવા એક્ને-પ્રોન સ્કીનવાળા લોકોમાં આનાથી બળતરા અને લાલાશની સમસ્યા પણ થઈ શકે છે. જો તમે આ ફેસ પેક અજમાવવા માંગો છો, તો ફટકડીની માત્ર એક નાની ચપટી જ ઉપયોગ કરો અને ચહેરા પર લગાવવાના 24 થી 48 કલાક પહેલા પેચ ટેસ્ટ જરૂર કરી લો.