કચ્છના સર ક્રીકમાંથી 4 પાકિસ્તાનીને BSFએ ઝડપ્યા, કરચલા પકડવા ભારતીય સીમામાં પ્રવેશ્યા હોવાનો માછીમારોનો દાવો
Summarized by AI; it may make mistakes. Check important info
Summarized by AI; it may make mistakes. Check important info

Kutch Sir Creek Pakistani Fishermen Apprehended: ભારત-પાકિસ્તાન સરહદે આવેલા કચ્છના સર ક્રીક વિસ્તારમાંથી બોર્ડર સિક્યુરિટી ફોર્સ(BSF)ના જવાનોએ 4 પાકિસ્તાની માછીમારોની ધરપકડ કરી છે. BSFએ ભારતીય જળસીમામાં ઘૂસેલા 4 પાકિસ્તાની માછીમારોને ઝડપી પાડવાની સાથે 1 ફાઇબર ફિશિંગ બોટ જપ્ત કરી છે. આગળની પૂછપરછ અને કાયદેસરની કાર્યવાહી માટે તમામને સંબંધિત એજન્સીઓને સોંપવામાં આવ્યા છે.
કચ્છના સર ક્રીકમાં 4 પાકિસ્તાની માછીમારો ઝડપાયા
BSFએ ચોક્કસ બાતમીના આધારે આ કાર્યવાહી કરી છે. BSFની પ્રાથમિક પૂછપરછ જાણવા મળ્યું હતું કે, ઝડપાયેલા પાકિસ્તાની માછીમારો સર ક્રીકના આ વિસ્તારમાં કરચલા(Crabs) પકડવાની લાલચે ભારતીય સીમામાં પ્રવેશ્યા હતા. તમામ માછીમારો સિંધ પ્રાંતના 'ચચ જાન ખાન' ગામના રહેવાસી હોવાનું જણાય છે.
ઝડપાયેલા માછીમારોની ઓળખ
- કાદિર થૈમોર
- મુહમ્મદ મુસા
- અઝગર થૈમોર
- એહસાન જાટ
સુરક્ષા એજન્સીઓએ તપાસ હાથ ધરી
માછીમારો માત્ર કરચલા પકડવાના હેતુથી આવ્યા હતા કે પછી તેમની પાછળ કોઈ અન્ય શંકાસ્પદ ઈરાદો છે, તે દિશામાં સુરક્ષા એજન્સીઓ તપાસ હાથ ધરી છે. આગળની કાનૂની કાર્યવાહી અને સઘન પૂછપરછ માટે BSF દ્વારા તમામ માછીમારોને સંબંધિત એજન્સીઓને સોંપવામાં આવ્યા છે.




