જામનગરના ગુલાબ નગરમાં તીન પત્તી રમતા 7 શખસ ઝડપાયા: રોકડ રૂ. 15,800 કબજે

Jamnagar Gambling Raid : જામનગર શહેરના ગુલાબનગર વિસ્તારમાં જાહેરમાં તીનપત્તીનો જુગાર રમતા સાત શખ્સોને સીટી ‘બી’ ડિવિઝન પોલીસે ઝડપી લીધા હતા. પોલીસે સ્થળ પરથી રોકડ રૂા.15,800 તથા ગંજીપત્તા કબજે કર્યા હતા.|
પોલીસની વિગતો મુજબ, તા.27 સપ્ટેમ્બરના રોજ ગુલાબનગરમાં રામમંદિરથી આગળ સાંકડી શેરીમાં જાહેરમાં ગોળ કુંડાળું વળી કેટલાક શખ્સો તીનપત્તીનો જુગાર રમતા હોવાની બાતમીના આધારે પોલીસે દરોડો પાડ્યો હતો.
દરોડા દરમિયાન સુનિલ કિશોરભાઈ રોલીયા (ઉ.વ.30), ડાયાભાઈ ઘેલાભાઈ ધ્રાંગીયા (ઉ.વ.42), મહેશભાઈ બાબુભાઈ મકવાણા (ઉ.વ.47), વીમલ જીવાભાઈ મકવાણા (ઉ.વ.32), નરશીભાઈ મોહનભાઈ મકવાણા (ઉ.વ.45), દિનેશભાઈ ભરતભાઈ પરમાર (ઉ.વ.39) અને અજયભાઈ નારણભાઈ મકવાણા (ઉ.વ.30) ઝડપાઈ ગયા હતા. પોલીસે તમામ વિરુદ્ધ જુગારધારા કલમ-12 મુજબ ગુનો નોંધી કાર્યવાહી હાથ ધરી છે.