ભારત સહિત ચાર દેશો પર 100% ટેરિફની ધમકીની ઝેલેન્સ્કીએ ભારોભાર પ્રશંસા કરી

• રશિયા પર પ્રતિબંધો મૂકતું વિધેયક સેનેટમાં પસાર
• સ્વર્ગસ્થ સેનેટર વિન્ડસે ગ્રેહામે આ વિધેયક તૈયાર કર્યું : તે પર મતદાન થયું ત્યારે યુક્રેનના પ્રમુખ સેનેટની વિઝિટર્સ ગેલેરીમાં બેઠા હતા

વૉશિંગ્ટન : યુક્રેનના પ્રમુખ વોલોદોમીર જેલેન્સ્કી આજકાલ અમેરિકાના પ્રવાસે છે. યુક્રેન ઉપર હુમલા કરવા માટે રશિયા ઉપર સખતમાંથી સખત પ્રતિબંધો મુક્તું વિધેયક ગઇકાલે સેનેટમાં બહુમતીથી પસાર થઇ ગયું. તે ઉપર પ્રમુખની સહી પણ થઇ જશે તે નિશ્ચિત છે. આ વિધેયક ઉપર સેનેટમાં મતદાન થયું હતું ત્યારે યુક્રેનના પ્રમુખ સેનેટની વિઝિટર્સ ગેલેરીમાં બેઠા હતા. વિશ્લેષકો કહે છે કે માત્ર અમેરિકા જ નહીં વિશ્વ ઇતિહાસમાં આવી પહેલી ઘટના હશે કે જ્યારે એક દેશના પ્રમુખ કોઈપણ દેશની સંસદમાં મતદાન સમયે હાજર રહ્યા હોય.
રશિયા ઉપર પ્રતિબંધો મુક્તું વિધેયક ભારે મોટી બહુમતીથી પસાર થયાને માત્ર થોડા જ સમયમાં ઝેલેન્સ્કી કેપીટોલ હીલ પહોંચી ગયા હતા અને સેનેટની વિઝિટર્સ ગેલેરીમાં સ્થાન લઈ લીધું હતું.
રશિયા ઉપર તો ટ્રમ્પે ટેરિફ નાખ્યો જ હતો પરંતુ હવે તો તેણે સંપૂર્ણ પ્રતિબંધ મુકી દીધો છે સાથે રશિયા પાસેથી ભારત સહિતના ૪ દેશો ઉપર પણ ૧૦૦ ટકા ટેરીફ આપવાની ધમકી પણ તેમણે આપી છે.
યુક્રેનના પ્રમુખ ઝેલેન્સ્કીએ પ્રમુખ ટ્રમ્પના આ નિર્ણયની ભારોભાર પ્રશંસા કરી હતી.
ઉલ્લેખનીય છે કે રશિયા ઉપર કઠોરમાં કઠોર પ્રતિબંધો મુક્તું વિધેયક વિન્ડસે ગ્રેહામે તૈયાર કર્યું હતું. પરંતુ તેઓ તો હવે સ્વર્ગસ્થ થઇ ગયા છે.