આકાશમાંથી પણ રશિયાની સરકાર સંચાલિત કરી શકે છે પુતિન! જાણો 'ફ્લાઇંગ ક્રેમલિન'ની ખાસિયતો

Vladimir Putin Aircraft Flying Kremlin Defense System : રશિયાના રાષ્ટ્રપ્રમુખ વ્લાદિમીર પુતિન જ્યારે પણ વિદેશ પ્રવાસે જાય છે ત્યારે તેમના માટે ઉપયોગમાં લેવાતું ખાસ પ્લેન અવારનવાર 'ફ્લાઇંગ ક્રેમલિન' તરીકે ચર્ચામાં રહે છે. તેની ખરી ઓળખ માત્ર તેનું મોટું કદ કે લક્ઝુરિયસ ઈન્ટિરિયર નથી, પરંતુ તેમાં લાગેલી હાઈટેક કોમ્યુનિકેશન વ્યવસ્થા, કમાન્ડ સિસ્ટમ અને મજબૂત સુરક્ષા તેને સામાન્ય વીઆઈપી પ્લેન કરતાં સાવ અલગ બનાવે છે. આ પ્લેનની ઘણી સંવેદનશીલ ટેકનોલોજી એકદમ ગુપ્ત રાખવામાં આવી છે. આ પ્લેન માત્ર મુસાફરીનું સાધન નથી, પરંતુ એક ઉડતા કમાન્ડ સેન્ટર તરીકે પણ કામ કરે છે, જે હવામાં રહીને પણ સરકારની કામગીરી નોન-સ્ટોપ ચાલુ રાખવા માટે સક્ષમ છે.

હવામાં કેવી રીતે ચાલે છે સરકારનું કામકાજ?

લાંબી આંતરરાષ્ટ્રીય મુસાફરી દરમિયાન પણ રાષ્ટ્રપ્રમુખ વ્લાદિમીર પુતિન (Russia President Vladimir Putin) દેશના મહત્વના સરકારી નિર્ણયો અને અધિકારીઓ સાથે સીધા સંપર્કમાં રહે તે જરૂરી હોય છે. આ પ્લેનમાં એવી ખાસ ગોઠવણ કરવામાં આવી છે, જેની મદદથી તેઓ હજારો ફૂટની ઊંચાઈએથી પણ ટોચના અધિકારીઓ અને દેશની સુરક્ષા એજન્સીઓ સાથે સતત કનેક્ટેડ રહી શકે છે. આ ક્ષમતા જ તેને સામાન્ય સરકારી પ્લેન કરતાં અલગ બનાવે છે.

અત્યંત સુરક્ષિત અને એન્ક્રિપ્ટેડ કોમ્યુનિકેશન

રાષ્ટ્રપ્રમુખના પ્લેનમાં વાતચીતની ગુપ્તતા અને સુરક્ષા સૌથી મહત્વની બાબત છે. મળેલી માહિતી મુજબ, આ પ્લેનમાં હાઈ-સિક્યોરિટી અને એન્ક્રિપ્ટેડ નેટવર્ક સિસ્ટમ ફિટ કરવામાં આવી છે. તેનો મુખ્ય હેતુ સરકારી વાતો અને મહત્વના ડેટાને હેકિંગ કે ટેપિંગના જોખમથી સુરક્ષિત રાખવાનો છે. જોકે, તેની ચોક્કસ ટેકનિકલ માહિતી જાહેર કરવામાં આવી નથી.

મિસાઈલ અને હવાઈ હુમલા સામે રક્ષણ

'ફ્લાઇંગ ક્રેમલિન'ની સુરક્ષામાં સૌથી વધુ ચર્ચા તેના ઇલેક્ટ્રોનિક ડિફેન્સ સિસ્ટમની થાય છે. વિવિધ રિપોર્ટ્સ મુજબ, પ્લેનમાં ઇલેક્ટ્રોનિક કાઉન્ટરમેઝર્સ અને ડીકોય સિસ્ટમ જેવી આધુનિક ટેકનોલોજી સામેલ હોવાનું માનવામાં આવે છે. આ ટેકનોલોજી કોઈપણ સંભવિત મિસાઈલ હુમલા કે અન્ય જોખમો સામે પ્લેનને આપોઆપ બચાવવા માટે કામ કરે છે. જોકે, તેની સાચી કામગીરી અને સેટઅપ સંપૂર્ણપણે ગુપ્ત છે.

આકાશમાં ફરતી હાઈટેક ઑફિસ

આ પ્લેનમાં માત્ર બેસવાની વ્યવસ્થા કે સાદી સુવિધાઓ નથી, પરંતુ કામ કરવા માટે અલગ કેબિન, હાઈ-લેવલ મીટિંગ્સ માટે કોન્ફરન્સ રૂમ અને રિલેક્સ થવા માટે ખાસ રૂમ પણ બનાવવામાં આવ્યા છે. તેનો મુખ્ય હેતુ એ છે કે, લાંબી ફ્લાઇટ દરમિયાન પણ રાષ્ટ્રપ્રમુખની ઓફિશિયલ કામગીરી અટક્યા વગર ચાલતી રહે, આ જ કારણે તેને ઘણીવાર 'ઉડતી ઑફિસ' પણ કહેવામાં આવે છે.

11,000 કિલોમીટર સુધી ઉડવાની ક્ષમતા

પ્લેનની લાંબી મુસાફરી કરવાની ક્ષમતા તેની સૌથી મોટી તાકાત છે. ઉપલબ્ધ ડેટા મુજબ, આ પ્લેનની રેન્જ આશરે 11,000 કિલોમીટર જેટલી છે. આટલી લાંબી રેન્જના લીધે રાષ્ટ્રપ્રમુખ કોઈપણ વચગાળાના હોલ્ટ વગર એક જ ફ્લાઇટમાં લાંબા અંતરનો સફર આસાનીથી પૂરો કરી શકે છે.

સુરક્ષા અને કમાન્ડ ક્ષમતાની ખાસિયત

'ફ્લાઇંગ ક્રેમલિન'ની સાચી તાકાત તેની સુરક્ષિત કોમ્યુનિકેશન વ્યવસ્થા, કમાન્ડ કંટ્રોલ, લાંબી ઉડાન ક્ષમતા અને મલ્ટી-લેયર સુરક્ષામાં રહેલી છે. તેની મોટાભાગની ડિફેન્સ સિસ્ટમ સિક્રેટ હોવાથી તેના વિશે બહુ ઓછી વિગતો સામે આવી છે, અને આ ગુપ્તતા જ તેને દુનિયાના સૌથી ચર્ચિત અને પાવરફુલ રાષ્ટ્રપ્રમુખ પ્લેન્સની યાદીમાં મોખરે રાખે છે.

IL-96-300 PU પ્લેનની ખાસિયતો

રશિયાના રાષ્ટ્રપ્રમુખ માટે ઉપયોગમાં લેવાતું આ પ્લેન IL-96-300 PU મોડેલ છે. તેમાં ફૂલ-પ્રૂફ સિક્યોરિટી વાળી કોમ્યુનિકેશન સિસ્ટમ સાથે રાષ્ટ્રપ્રમુખના ઓફિસ વર્ક માટે ખાસ ચેમ્બર અને મીટિંગ રૂમ તૈયાર કરવામાં આવ્યા છે. તેની તમામ સુરક્ષા ટેકનોલોજી અત્યંત સંવેદનશીલ હોવાથી માત્ર ઓફિશિયલ પ્રોટોકોલ મુજબ જ તેનું મોનિટરિંગ થાય છે.

મુસાફરી દરમિયાન હાઈ-લેવલ સિક્યોરિટી

હવાઈ મુસાફરી દરમિયાન તેમની સુરક્ષા વ્યવસ્થા ઘણી ટાઈટ રાખવામાં આવે છે. રિપોર્ટ્સ મુજબ, રાષ્ટ્રપ્રમુખના મેઈન પ્લેનની સાથે જરૂરિયાત પ્રમાણે બેકઅપ પ્લેન અને સ્પેશિયલ સિક્યોરિટી ટીમ પણ સાથે રહે છે, જેથી કોઈ ઈમરજન્સી ઊભી થાય તો તાત્કાલિક બીજી વ્યવસ્થા મળી રહે. આ સિક્રેટ સિક્યોરિટી સેટઅપને કારણે જ તે વિશ્વભરમાં જાણીતું છે.