પાકિસ્તાન, ઈરાન, સાઉદી અરેબિયા વચ્ચેની સીક્રેટ ડીલથી ટ્રમ્પ છેતરાયા! અમેરિકાને લાગ્યો મોટો આંચકો

Pakistan, Iran, Saudi Secret Oil Deal : મધ્ય પૂર્વમાં ચાલી રહેલા ભયાનક યુદ્ધ વચ્ચે એક એવો ચોંકાવનારો ખુલાસો સામે આવ્યો છે, જે અમેરિકી પ્રમુખ ડોનાલ્ડ ટ્રમ્પ માટે ભારે શરમજનક સાબિત થઈ રહ્યો છે. ઇઝરાયેલી મીડિયા 'ધ ટાઇમ્સ ઓફ ઇઝરાયેલ' ના અહેવાલ મુજબ, પાકિસ્તાન, ઈરાન અને સાઉદી અરેબિયાએ પડદા પાછળ એક એવો ખેલ ખેલ્યો છે કે સમગ્ર દુનિયા આશ્ચર્યચકિત થઈ ગઈ છે. આ આખા ડ્રામાના માસ્ટરમાઇન્ડ પાકિસ્તાનના સૈન્ય વડા આસિમ મુનીર હતા, જે ટ્રમ્પના ખાસ માનીતા ગણાય છે. મુનીરે સાઉદીને બચાવવાના બહાને ટ્રમ્પ સાથે રમત રમી નાખી, પરંતુ અંતમાં તેઓ આ કામ પણ પૂરી રીતે યોગ્ય રીતે કરી શક્યા નહીં.

મુનીરના સિક્રેટ દાવ બાદ સાઉદી પર હુમલા અટક્યા

આસિમ મુનીરે પોતાની અને ઈરાની સેનાના જનરલોની તિજોરીઓ ભરવા માટે એક સિક્રેટ 'ઓઇલ વેન્ચર' નો એવો દાવ ખેલ્યો કે સાઉદી અરેબિયા પર થતા ઈરાની હુમલા પણ રોકાઈ ગયા અને અમેરિકાને કાનના કાન ખબર પણ ન પડી. દુનિયા અત્યારે હસી રહી છે કે કેવી રીતે અમેરિકાની નાક નીચે ત્રણેય દેશોએ પોતાનો સ્વાર્થ સાધી લીધો.

ઈરાન, પાકિસ્તાન અને સાઉદી અરેબિયા વચ્ચે શું ડીલ થઈ હતી?

આ રિપોર્ટમાં 3 મોટા ઇનસાઇડર્સ, 1 મિડલ ઇસ્ટર્ન ડિપ્લોમેટ, 1 પ્રાદેશિક ગુપ્તચર અધિકારી અને મામલાની અંદરની માહિતી ધરાવતા 1 સ્રોતના હવાલેથી મોટો દાવો કરવામાં આવ્યો છે. અમેરિકી પ્રશાસન અને ખાસ કરીને ટ્રમ્પની કડક નીતિઓના મોટા-મોટા દાવાઓને બાજુ પર મૂકીને, ફીલ્ડ માર્શલ આસિમ મુનીરે ઈરાનની 'ઈસ્લામિક રિવોલ્યુશનરી ગાર્ડ કોર્પ્સ' (IRGC) ના ચીફ અહમદ વાહિદી સાથે સીધો હાથ મિલાવી લીધો હતો.

પાકિસ્તાન-ઈરાન-સાઉદી વચ્ચે પડદા પાછળ મોટી ડીલ !

આ આખો સોદો આ જ વર્ષે માર્ચના અંતમાં આસિમ મુનીરે જ પાકો કરાવ્યો હતો. યુદ્ધ શરૂ થવાના શરૂઆતના અઠવાડિયામાં તો ઈરાન સમર્થિત જૂથો સાઉદી અરેબિયા પર સતત હુમલા કરી રહ્યા હતા, પરંતુ આ સિક્રેટ ડીલ થતાં જ સાઉદી પર થતા મોટા હુમલા અચાનક બંધ થઈ ગયા. વોશિંગ્ટનમાં બેઠેલા અમેરિકી અધિકારીઓ એવું જ વિચારતા રહી ગયા કે, તેમની સૈન્ય તાકાત અને ધમકીઓથી ડરીને ઈરાન પાછળ હટી ગયું છે, જ્યારે પડદા પાછળ તો અસલ ખેલ કંઈક અલગ જ ચાલી રહ્યો હતો.

ઈરાન-પાકિસ્તાનનો સિક્રેટ તેલનો વેપાર અને કમાણી

રિપોર્ટમાં ખુલાસો થયો છે કે, મુનીર અને IRGC ચીફ અહમદ વાહિદીએ ગયા વર્ષના અંતમાં એક જોઈન્ટ ઓઇલ ટ્રાન્સપોર્ટ વેન્ચર શરૂ કર્યું હતું. આના માધ્યમથી ઈરાની તેલને ગુપ્ત રસ્તાઓથી પાકિસ્તાન પહોંચાડવામાં આવતું હતું. અમેરિકા દ્વારા ઈરાની તેલની નિકાસ પર ભારે કડક પ્રતિબંધો લગાવવામાં આવ્યા હોવા છતાં, આ જોઈન્ટ વેન્ચરે ભારે નફો કમાયો હતો.

પાકિસ્તાનની મધ્યસ્થીની ભૂમિકા માત્ર નાટક !

પાકિસ્તાન છેલ્લા કેટલાક સમયથી અમેરિકા અને ઈરાન વચ્ચે મધ્યસ્થીની ભૂમિકા ભજવવાનું નાટક કરી રહ્યું હતું. ખાસ કરીને ત્યારે, જ્યારે સ્ટ્રેટ ઓફ હોર્મુઝના નિયંત્રણને લઈને વિવાદ વધ્યો અને હુમલાઓ પછી યુદ્ધવિરામ તૂટી ગયો. આનો જ ફાયદો ઉઠાવીને આસિમ મુનીરે સાઉદીને રાહત અપાવવાના નામે પોતાનો પર્સનલ બિઝનેસ અને પાકિસ્તાનનું વ્યૂહાત્મક કદ બંને વધારી લીધા.

જ્યારે ઈરાને મિસાઈલ છોડી તો મુનીરે આપી કડક ચેતવણી

લગભગ 3 મહિના સુધી સાઉદી અરેબિયા પર ઈરાન તરફથી કોઈ મોટો હુમલો ન થયો. જોકે, જ્યારે તાજેતરમાં તેહરાન તરફથી સાઉદી તરફ 1 મિસાઈલ છોડવામાં આવી, તો આસિમ મુનીરનો બિઝનેસ જોખમમાં મુકાતો દેખાયો. મિડલ ઇસ્ટના 1 ડિપ્લોમેટે 'ધ ટાઇમ્સ ઓફ ઇઝરાયેલ' ને જણાવ્યું કે મિસાઈલ સ્ટ્રાઈક પછી તરત જ ફીલ્ડ માર્શલ આસિમ મુનીરે IRGC ચીફ અહમદ વાહિદીને ફોન કરીને કડક ચેતવણી આપી દીધી.

મુનીરે ઈરાનને આપી હતી ધમકી

મુનીરે સાફ શબ્દોમાં કહી દીધું કે જો સાઉદી અરેબિયા પર આગળ વધુ હુમલા થશે, તો તેનાથી તેમનો આ અબજોનો 'ઓઇલ વેન્ચર' ખતરામાં પડી જશે અને તેની કમાણી બંધ થઈ જશે. આ ધમકીની એવી જાદુઈ અસર થઈ કે તે મિસાઈલ હુમલા પછી સાઉદી પર ઈરાનનો 1 પણ નવો હુમલો નોંધાયો નથી.

પાકિસ્તાનની ડબલ ગેમ

પ્રાદેશિક ગુપ્તચર અધિકારીના જણાવ્યા અનુસાર, પાકિસ્તાનનો અસલી ખેલ સાઉદી અરેબિયાને સુરક્ષાના નામે પોતાના પર વધુ નિર્ભર બનાવવાનો હતો. પાકિસ્તાન દુનિયાની સામે પોતાને એક મોટો મધ્યસ્થી બનાવીને રજૂ કરી રહ્યું હતું, જ્યારે પડદા પાછળ તે ઈરાન સાથે મળીને એ જ તેલ વેચી રહ્યું હતું જેના પર અમેરિકાએ કડક બેન લગાવેલો હતો.

પાકિસ્તાને અમેરિકાના મોં પર તમાચો માર્યો

જોકે, આ રાજદ્વારી ખેલની તીખી ટીકા પણ થઈ રહી છે. મિડલ ઇસ્ટના 1 ડિપ્લોમેટે આ ઓઇલ ડીલ પર ટિપ્પણી કરતા કહ્યું કે પાકિસ્તાને એક રીતે ઈરાનની બ્લેકમેલિંગની શરતોને વાજબી ઠેરવી દીધી, એટલે કે 'હુમલો રોકીશું પણ બદલામાં તેલમાં છૂટ અને આર્થિક ફાયદો લઈશું'. આ રીતે પાકિસ્તાને અમેરિકાના મોં પર તમાચો મારીને બંને બાજુથી ફાયદો ઉઠાવ્યો.