ઈરાનની લાઈફલાઈન કપાઈ, 6 તરફથી ટ્રમ્પનો ભયાનક ચક્રવ્યૂહ! શું ગ્રાઉન્ડ ઓપરેશનની તૈયારીમાં અમેરિકા?

A Ground Operation In The Strait Of Hormuz By US : ઈરાનના હોર્મુઝગાન પ્રાંતમાં અમેરિકન પ્રમુખ ડોનાલ્ડ ટ્રમ્પે એક એવું ભયાનક ચક્રવ્યૂહ રચ્યું છે, જેના પછી હોર્મુઝ સ્ટ્રેટમાં અમેરિકાના એક બહુ મોટા ગ્રાઉન્ડ ઓપરેશનનો ખતરો વધી ગયો છે. ઈરાનના સૌથી મોટા 'બંદર અબ્બાસ' પોર્ટને 6 તરફથી ઘેરી લેવામાં આવ્યું છે. આ પછી તેના પુલ, હાઈવે અને રેલવે રૂટને બોમ્બમારો કરીને ઉડાવી દેવામાં આવ્યા છે, જેથી સેનાનું રાશન અને દારૂગોળો સંપૂર્ણપણે બંધ થઈ જાય. આ 'લોજિસ્ટિકલ આઈસોલેશન'થી ઈરાનની લાઈફલાઈન કાપવાની સાથે સમુદ્રમાં તેની દેખરેખ રાખતી સિસ્ટમ પણ નષ્ટ કરી દેવામાં આવી છે.

ઈરાનમાં ટ્રમ્પે રચ્યા 6 ચક્રવ્યૂહ

ઈરાનના હોર્મુઝગાન પ્રાંતમાં બનેલા સૈન્ય ઠેકાણાઓ પર અમેરિકાએ જે તાબડતોડ મિસાઈલો વરસાવી છે, તે કોઈ સામાન્ય હુમલો નથી. આ અમેરિકન પ્રમુખ ડોનાલ્ડ ટ્રમ્પનો એ ખતરનાક અને ચાલાક માસ્ટરપ્લાન છે, જેના દ્વારા હોર્મુઝ સ્ટ્રેટમાં એક બહુ મોટા ગ્રાઉન્ડ ઓપરેશનની જમીન તૈયાર કરવામાં આવી રહી છે. અમેરિકા આ હવાઈ હુમલાઓથી ઈરાનની આખી ડિફેન્સ સિસ્ટમને વીણી-વીણીને નેસ્તનાબૂદ કરી રહ્યું છે, જેથી જ્યારે અમેરિકી સેના જમીન પર પગ મુકે, ત્યારે તેને રોકનાર કોઈ ન બચે. સૈન્ય ઇતિહાસમાં આ એક ક્લાસિક વ્યૂહરચના રહી છે, જ્યાં કોઈપણ મોટા જમીની હુમલા પહેલા દુશ્મનની કરોડરજ્જુને સંપૂર્ણપણે તોડીને તેને અપંગ બનાવી દેવામાં આવે છે.

લોજિસ્ટિકલ આઈસોલેશન: ઈરાનની જીવનરેખા કાપવાની ખતરનાક ચાલ

આ યુદ્ધમાં અમેરિકાની સૌથી ઘાતક વ્યૂહરચના 'લોજિસ્ટિકલ આઈસોલેશન' છે, એટલે કે, ઈરાનનું રાશન, દારૂગોળો અને હથિયારોની સપ્લાય લાઇનને સંપૂર્ણપણે કાપી નાખવી. અમેરિકી ફાઈટર જેટ્સ અને મિસાઈલો જાણીજોઈને ઈરાનના પુલો, રસ્તાઓ અને રેલવે નેટવર્કને ટાર્ગેટ કરી રહ્યા છે. અમેરિકાનો સૌથી મોટો ટાર્ગેટ ઈરાનનું 'બંદર અબ્બાસ' બંદર છે, જે એકલું આખા ઈરાનનો 85 ટકા વેપાર સંભાળે છે.

બંદર અબ્બાસ માત્ર એક બંદર નથી, પરંતુ ઈરાનની અસલી લાઈફલાઈન છે. દેશના ખૂણે-ખૂણામાં હાજર ઈરાની સેનાને હથિયાર, મિસાઈલો, ઈંધણ અને ખાવા-પીવાની સામગ્રી આ જ રસ્તે પહોંચે છે. અમેરિકાનો પ્લાન છે કે, બંદર અબ્બાસને બાકીના ઈરાનથી સંપૂર્ણપણે અલગ-થલગ કરી દેવામાં આવે. જો આ બંદર દેશથી કપાઈ જશે, તો ઈરાની સેના પાસે ન તો ગોળીઓ બચશે, અને ન તો રાશન, જેનાથી તેમની યુદ્ધ લડવાની ક્ષમતા સંપૂર્ણપણે દમ તોડી દેશે.

હોર્મુઝગાન પ્રાંતમાં પુલ તબાહ: ટ્રમ્પના 6 ચક્રવ્યૂહ

અમેરિકી સેનાએ ઈરાનને ચારેય તરફથી ઘેરવા માટે જે વ્યૂહાત્મક રસ્તાઓ અને ઠેકાણાઓને બોમ્બમારો કરીને સ્મશાન બનાવી દીધા છે, તેની આખી યાદી જોઈને તમે સમજી જશો કે, ઈરાન આ સમયે કેટલા મોટા સંકટમાં ફસાયેલું છે.

બંદર અબ્બાસ–હાજીયાબાદ હાઈવે: આ મુખ્ય રૂટ પર બનેલી પ્રખ્યાત 'શહીદ મિર્ઝાઈ ટનલ'ને અમેરિકાએ બંને તરફથી બોમ્બ ફેંકીને હંમેશા માટે બ્લોક કરી દીધી છે. આ ટનલ બંદર અબ્બાસને ઈરાનના ઉત્તરી વિસ્તારો સાથે જોડતો મુખ્ય માર્ગ હતો.

બંદર અબ્બાસ–સિર્જાન હાઈવે: શૂર નદી પર બનેલા અત્યંત મહત્વપૂર્ણ પુલને અમેરિકી મિસાઈલોએ ઉડાવી દીધો છે, જેનાથી પૂર્વીય પ્રાંતોનો સંપર્ક બંદરથી સંપૂર્ણપણે તૂટી ગયો છે.

બંદર અબ્બાસ–તેહરાન કોરિડોર: ઈરાનનો સૌથી વ્યસ્ત અને મહત્વનો ટ્રાન્સપોર્ટ રૂટ કહેવાતા, આ હાઈવે અને રેલવે પુલોને નેસ્તનાબૂદ કરી દેવામાં આવ્યા છે, જેનાથી રાજધાની તેહરાનનો સંપર્ક કપાઈ ચૂક્યો છે.

બંદર ખમીર અને મીનાબ–રૂદાન રોડ: બંદર અબ્બાસની પશ્ચિમમાં આવેલા વ્યૂહાત્મક રીતે જરૂરી બંદર ખમીરના રેલવે સ્ટેશન અને પુલોને તબાહ કરવામાં આવ્યા છે, સાથે જ પૂર્વીય દરિયાકાંઠાના વિસ્તારોને જોડતા મીનાબ-રૂદાન રોડના બે મોટા પુલોને પણ નેસ્તનાબૂદ કરી દેવામાં આવ્યા છે.

બંદર અબ્બાસ રેલવે સ્ટેશન: આ મુખ્ય સ્ટેશન પર એટલો ભારે બોમ્બમારો કરવામાં આવ્યો છે કે, રેલ માર્ગે થતી સેનાની દરેક પ્રકારની સપ્લાય સંપૂર્ણપણે ઠપ થઈ ગઈ છે.

વીજળી, પાણી અને દેખરેખ સિસ્ટમ ધ્વસ્ત: જાસ્કમાં સમુદ્રના પાણીને પીવાલાયક બનાવતા 'વોટર ડિસેલિનેશન પ્લાન્ટ'ને ઉડાવી દેવામાં આવ્યો છે, જેનાથી દરિયાકાંઠાના ગામો અને સૈન્ય ચોકીઓમાં પાણી માટે હાહાકાર મચી ગયો છે. આ સિવાય, સિરિક અને કેશમ ટાપુના પાવર પ્લાન્ટ્સને નિશાન બનાવવામાં આવ્યા છે, જેનાથી વીજળી ગુલ થઈ ગઈ છે. બીજી તરફ, ગલ્ફ ઓફ ઓમાનમાં ઈરાનની આંખ કહેવાતા ચાબહાર ટાવરને અમેરિકી નૌસેનાએ પહેલા જ ધ્વસ્ત કરી દીધો હતો, જેથી ઈરાન સમુદ્રમાં અમેરિકી જહાજોની દેખરેખ ન રાખી શકે.

આ સાથે જ, અમેરિકી નૌસેનાએ હોર્મુઝની સામુદ્રધુની (Strait of Hormuz)માં એક એવી અચૂક અને કડક નૌસૈનિક નાકાબંધી લાગુ કરી દીધી છે કે, કોઈ પણ ઈરાની જહાજ અમેરિકી રોકટોક વગર બંદરની બહાર પગ પણ નથી મૂકી શકતું. આ ઈરાનની અર્થવ્યવસ્થાને સંપૂર્ણપણે નીચોવી નાખવાની એક મોટી ચાલ છે.

ગ્રાઉન્ડ ઓપરેશન અમેરિકા માટે સરળ નહીં હોય

ભલે અમેરિકાએ આકાશમાંથી બોમ્બ વરસાવીને ઈરાનને ભારે નુકસાન પહોંચાડ્યું હોય, પરંતુ ડિફેન્સ એક્સપર્ટ્સનું માનવું છે કે, હોર્મુઝગાન પ્રાંતમાં જમીની અભિયાન શરૂ કરવું અમેરિકા માટે એક લોહીયાળ જંગ સાબિત થઈ શકે છે. ભલે ઈરાની કિલ્લાબંધી આજે નબળી દેખાતી હોય, પરંતુ જેવા જ, અમેરિકી સૈનિકો આ ધરતી પર પગ મૂકશે, તે સીધા ઈરાનની બિછાવેલી જાળમાં ફસાઈ જશે.

હોર્મુઝગાનની દરિયાકાંઠાની રેખા લગભગ 900 થી 1000 કિલોમીટર લાંબી છે. આ ઉબડખાબડ વિસ્તારમાં ઈરાને પોતાની ખતરનાક મિસાઈલો, સુસાઈડ ડ્રોન અને ઘાતક તોપખાના જમીનની અંદર બંકરોમાં છુપાવી રાખ્યા છે. ખાર્ગ ટાપુ જેવા નાના-નાના ટાપુઓ પર કબજો કરવો, અને ત્યાં ટકી રહેવું પણ અમેરિકા માટે બહુ મોટી કિંમત માંગી શકે છે.

ભારે તબાહી વચ્ચે છુપાયેલો મોટો પડકાર

ઈરાને વીતેલા વર્ષોમાં પોતાની કોસ્ટલ ડિફેન્સ સિસ્ટમને એટલી ખતરનાક રીતે તૈયાર કરી છે કે, તે કોઈપણ દરિયાઈ હુમલાનો સામનો કરી શકે છે, અને દુશ્મનોને મોટું નુકસાન પણ પહોંચાડી શકે છે. ઈરાનના નાના-નાના ટાપુઓ પર એક્ટિવ મિસાઈલ બેટરીઓ આજે પણ સક્રિય છે, જે કોઈપણ અમેરિકી જંગી જહાજને પળભરમાં નિશાન બનાવી શકે છે.

ચાબહાર પોર્ટ પણ ન છોડ્યું

પેન્ટાગનનું આ પ્લાનિંગ અને શરૂઆતી હવાઈ હુમલા ભલે અમેરિકાને આ યુદ્ધમાં અત્યારે એકતરફી લીડ આપી રહ્યા હોય, અને ટેબલ પર તેની સોદાબાજીની શક્તિને વધારી રહ્યા હોય, પરંતુ હોર્મુઝગાનની જમીનને હડપવી અમેરિકા માટે એક એવું આત્મઘાતી પગલું સાબિત થઈ શકે છે, જ્યાંથી નીકળવું અશક્ય હશે. જો ટ્રમ્પે અહીં જમીની સેના ઉતારવાની ભૂલ કરી તો, આ યુદ્ધ વર્ષો-વર્ષ ખેંચાઈ જશે, અને અમેરિકી સૈનિકોને ભારે જાનમાલનું નુકસાન વેઠવું પડી શકે છે.