VIDEO: 'અમે નિયમોથી આવ્યા...', ઇમિગ્રેશન નીતિ પર જેડી વેન્સને ભારતીય મૂળની મહિલાએ ફેંક્યો પડકાર

Immigration Policy: અમેરિકાના મિસિસિપી યુનિવર્સિટીમાં એક જાહેર કાર્યક્રમ દરમિયાન એક ભારતીય મૂળની મહિલાએ ઉપરાષ્ટ્રપ્રમુખ જેડી વેન્સને ઇમિગ્રેશન નીતિ પર ખુલ્લેઆમ પડકાર ફેંક્યો. તેમણે ડોનાલ્ડ ટ્રમ્પ વહીવટીતંત્રની કડક ઇમિગ્રેશન નીતિઓ પર પ્રશ્ન ઉઠાવતા પૂછ્યું, "અમેરિકામાં નિયમોનું પાલન કરનારા, સખત મહેનત કરનારા અને નોકરી માટે ચૂકવણી કરનારા લોકોને હવે હાંકી કાઢવાની વાત કેમ કરવામાં આવી રહી છે?" આખી ઘટના કેમેરામાં કેદ થઈ ગઈ અને હવે સોશિયલ મીડિયા પર વાયરલ થઈ રહી છે.

આ કાર્યક્રમ દરમિયાન મહિલાએ શું કહ્યું?

જ્યારે સવાલો પૂછવાનું શરૂ થયું ત્યારે ભારતીય મૂળની મહિલાએ ઊભા થઈને પૂછ્યું, 'જ્યારે તમે કહો છો કે અહીં ઘણા બધા ઇમિગ્રન્ટ્સ છે, ત્યારે 'ઘણા બધા' માટે મર્યાદા કોણે નક્કી કરી? તમે અમને અહીં આવવા કહ્યું, અમારા યુવાની, અમારી મહેનત, અમારા પૈસા આ દેશમાં રોકાણ કર્યા, અને હવે તમે કહો છો કે અમે અહીં રહી શકતા નથી?'

ઓછા લોકો આવવા જોઈએ, જેથી દેશનું સામાજિક માળખું જળવાઈ રહે: વેન્સ

જેડી વેન્સે જવાબ આપતા કહ્યું કે, અમેરિકાને ફક્ત મર્યાદિત સંખ્યામાં કાયદેસર ઇમિગ્રન્ટ્સને સ્વીકારવા જોઈએ. તેમણે તર્ક આપ્યો કે, 'અનિયંત્રિત ઇમિગ્રેશનથી દેશની સામાજિક એકતાને અસર પહોંચે છે. જો 100 લોકો ગેરકાયદેસર રીતે આવે છે અને દેશ માટે યોગદાન આપે છે, તો તેનો અર્થ એ નથી કે આપણે હવે દર વર્ષે 10 લાખ કે 10 કરોડ લોકોને આવવા દેવા જોઈએ.'

આ પણ વાંચો: ટ્રમ્પ અને જિનપિંગની બેઠકમાં મોટા નિર્ણય: 10 ટકા ટેરિફ ઘટાડાયો, સોયાબીન ખરીદશે ડ્રેગન

મહિલાએ પૂછ્યું, 'જ્યારે તમે રસ્તો બતાવ્યો, તો હવે તમે અમને કેમ રોકી રહ્યા છો?'

મહિલાએ ફરી કહ્યું કે, 'અમેરિકાની સરકારે જ વર્ષોથી લોકોને 'અમેરિકન ડ્રીમ'નો ભરોસો આપ્યો છે. તમે પોતે જ રસ્તો બનાવ્યો છે કે સખત મહેનત કરો, પૈસા ચૂકવો અને અહીં રહો. હવે તમે કહો છો કે અમે વધુ વસ્તીવાળા થઈ ગયા છીએ - તે કેવી રીતે વાજબી છે?'

વેન્સે તેની પત્નીના ધર્મ પર પ્રશ્ન ઉઠાવ્યો

મહિલાએ વેન્સને તેના આંતરધાર્મિક લગ્ન વિશે પણ પ્રશ્ન ઉઠાવ્યો, પૂછ્યું કે શું તેની હિન્દુ પત્ની સાથે લગ્ન કરવાથી તેનો વિશ્વ દૃષ્ટિકોણ બદલાઈ ગયો છે? આના પર, જેડી વેન્સે જવાબ આપ્યો, 'હું એક ખ્રિસ્તી છું અને હું મારા ધર્મ પર છું. હું ઇચ્છું છું કે મારી પત્ની પણ તેને સમજે, પરંતુ જો તે ન ઇચ્છતી હોય, તો તે તેની સ્વતંત્ર ઇચ્છા છે. ભગવાને બધાને સ્વતંત્રતા આપી છે.'

આ સવાલ-જવાબનો વીડિયો સોશિયલ મીડિયા પર વાયરલ થઈ રહ્યો છે. ઘણા યુઝર્સે મહિલાની હિંમતની પ્રશંસા કરી, જ્યારે અન્ય લોકોએ વેન્સના રાજદ્વારી જવાબને "રાજકીય બચાવ" ગણાવ્યો.

આ પણ વાંચો: અમેરિકામાં ખોટા આરોપસર 43 વર્ષ જેલવાસ, છેવટે મુક્તિ મળી પરંતુ હવે દેશનિકાલનો ખતરો