ટેકનિકલ ક્ષતિને લીધે અમેરિકાનાં એરપોર્ટ પર અંધાધૂંધી : અનેક ફ્લાઇટ્સ કેન્સલ : યાત્રીઓ રખડી પડયા

• સં.રા. મહાસમિતિમાં ભાગ લેવા આવનારા મહાનુભાવો ફસાયા
• ફિલાડેલ્ફીયાનાં એરટ્રાફિક કંટ્રોલ સેન્ટરમાં ક્ષતિ ઊભી થતાં ન્યૂયોર્ક અને આસપાસનાં એરપોર્ટમાં ફ્લાઇટ્સ કેન્સલ કરાઈ

ન્યૂયોર્ક : ફીલાડેલ્ફીયામાં એરટ્રાફિક કંટ્રોલ સેન્ટરમાં સોમવારે ક્ષતિ ઊભી થતાં ફિલાડેલ્ફીયા ઉપરાંત ન્યૂયોર્ક અને આસપાસનાં એરપોર્ટસથી ઉપડતી તેમજ ત્યાં આવતી અનેક ફ્લાઇટસ કેન્સલ કરવી પડી હતી પરિણામે, સેંકડો પેસેન્જર્સ રખડી પડયા હતા. સૌથી વધુ તકલીફ તો તે થઇ હતી. કે સંયુક્ત રાષ્ટ્રોની મહાસમિતિમાં ભાગ લેવા આવનાર, મહાનુભાવો પણ તેથી રખડી પડયા હતા. તેઓનાં પ્લેન ન્યૂયોર્ક કે પાસેનાં ન્યૂયોર્ક કે ફિલાડેલ્ફીયામાં પણ ઉતરી શક્યાં નહીં પરંતુ દૂરનાં એરપોર્ટસ ઉપર ઉતારવા પડયાં હતાં.
સોમવારે (અમેરિકી સમય પ્રમાણે) ફીલાડેલ્ફીયાનાં એર ટ્રાફિક કંટ્રોલે તેનાં સંયોગોમાં ક્ષતિ ઉભી થઇ હોવાનું જાહેર કર્યું તે પછી એક પછી એક આસપાસનાં એરપોર્ટસ પણ તેમના ટ્રાફિક કંટ્રોલમાં મુશ્કેલીઓ થઇ હોવાનું જાહેર કરતાં તે બધાં જ એરપોર્ટસ ઉપરથી ઉપડતી અને આવતી ફ્લાઇટ્સને રોકવામાં આવી હતી.
આ ઘટના અંગે ધી ફેડરલ એવીએશન એડમિનિસ્ટેશન (એફ.એ.એ.)એ તપાસ હાથ ધરી હતી. તેમાં વળી એક વધુ ટેકનિકલ પ્રોબ્લેમ ઊભો થયો હતો. તે એ કે કન્સ્ટ્રકશન વર્કને લીધે ભૂગર્ભમાં રાખેલી બેકઅપ ફાયબર ઓપ્ટિક લાઈન પણ કપાઈ ગઈ હતી.
બેક-અપ-કનેકશનના લોસ ને લીધે મુશ્કેલી વધી હતી. તેથી સર્કીટ ફેલ્યર થયું હતું. તેથી એર-ટ્રાફિક કંટ્રોલને વધુ મુશ્કેલીઓ ઉભી થઇ હતી. કલાકો પછી તે સુધરતાં પરિસ્થિતિ થાળે પડી હતી. તેથી પ્રમુખ ટ્રમ્પનું વિમાન તો ન્યૂયોર્ક એરપોર્ટ પર નિયત સમયે પહોંચી શક્યું હતું.