ભારતને મોટો ઝટકો! રશિયા પાસેથી ઓઈલ ખરીદવાની મળશે સજા, 100% ટેરિફની મંજૂરી આપતું બિલ અમેરિકન સેનેટમાં પાસ
Summarized by AI; it may make mistakes. Check important info
Summarized by AI; it may make mistakes. Check important info
USA 100% tariff News : અમેરિકા અને ભારત વચ્ચે ટેરિફ મુદ્દે ચાલી રહેલી તનાતની વચ્ચે વધુ એક મોટા સમાચાર આવ્યા છે. અમેરિકન સેનેટે રશિયા પર કડક પ્રતિબંધો લાદવા અને રશિયા પાસેથી ઊર્જા ખરીદતા દેશો પર 100 ટકા સુધીનો ટેરિફ ઝીંકવા માટેનું મહત્ત્વપૂર્ણ બિલ પસાર કરી દીધું છે. આ બિલ સ્વર્ગસ્થ સેનેટર લિન્ડસે ગ્રેહામ દ્વારા તૈયાર કરવામાં આવ્યું હતું, જેને સેનેટમાં 86-12 ના ભારે બહુમતીથી મંજૂરી આપવામાં આવી છે.
ભારત સહિત કયા દેશો છે નિશાન પર?
જો આ બિલ કાયદો બનશે તો રશિયા પાસેથી મોટા પ્રમાણમાં ઓઇલ અને ગેસ આયાત કરતા દેશો પર અમેરિકન પ્રમુખ ડોનાલ્ડ ટ્રમ્પને 100% સુધી ટેરિફ લાદવાની સત્તા મળશે. આ બિલ હેઠળ નીચે મુજબના 5 દેશો મુખ્ય નિશાન પર છે:
ભારત
ચીન
સ્લોવાકિયા
હંગેરી
અઝરબૈજાન
ભારત માટે શા માટે ચિંતાનો વિષય?
પશ્ચિમ એશિયામાં ઈરાન-અમેરિકા યુદ્ધના કારણે 'સ્ટ્રેટ ઓફ હોર્મુઝ' (Strait of Hormuz) દ્વારા થતી ઓઇલની સપ્લાય ખોરવાઈ ગઈ હતી. આ કારણે ભારતીય રિફાઇનરીઓએ રશિયા પાસેથી ઓઇલ ખરીદવાનું પ્રમાણ વધાર્યું હતું. ઓગસ્ટ 2025માં પણ અમેરિકાએ ભારત પર 25% વધારાનો ટેરિફ લાદ્યો હતો, જેથી ભારત પર કુલ ટેરિફ 50% થઈ ગયો હતો. બાદમાં ઈરાન સંકટ વખતે ફેબ્રુઆરીમાં રાહત આપવામાં આવી હતી, પરંતુ હવે ફરી 100% ટેરિફનો ખતરો ઉભો થયો છે.
હવે આગળ શું થશે?
સેનેટમાં પ્રક્રિયાગત મંજૂરી મળ્યા બાદ આ બિલ સપ્ટેમ્બરમાં યોજાનારી 'હાઉસ ઓફ રિપ્રેઝન્ટેટિવ્સ' (House of Representatives) ની બેઠકમાં રજૂ થશે. ત્યાંથી પસાર થયા બાદ અને રાષ્ટ્રપતિ ડોનાલ્ડ ટ્રમ્પના હસ્તાક્ષર થયા પછી જ તે આખરી કાયદો બનશે. જોકે, આ બિલથી સીધા ટેરિફ લાગુ નહીં થાય પણ પ્રમુખ ટ્રમ્પને ભારત જેવા દેશો પર નવું આર્થિક દબાણ લાવવા માટેનું મોટું હથિયાર મળી જશે.
