ડિફેન્સ કંપની પેલેન્ટીર ટેકનોલોજીએ ડેમો રજૂ કર્યો
સેટેલાઈટ તસવીરો, રડાર ડેટા અને અન્ય માહિતીનું સચોટ વિશ્લેષણ કરીને કાર્યવાહીના વિકલ્પો રજૂ કરશે
પેલેન્ટીર અન્ય એક કંપની સાથે મળીને એઆઈ મોડલ્સને જોડીને એવી સિસ્ટમ તૈયાર કરી રહ્યું છે જે સેટેલાઈટ તસવીરો, રડાર ડેટા અને અન્ય માહિતીનું વિશ્લેષણ કરી શકે. ડેમોમાં એક ઉદાહરણ બતાવવામાં આવ્યું છે. જેમાં, સેટેલાઈટ તસવીરોમાં શંકાસ્પદ સૈન્ય ગતિવિધિ જોવા મળતાં વિશ્લેષક એઆઈ ચેટબોટને સવાલ પૂછે છે. એઆઈ ઉપલબ્ધ ડેટાના આધારે સમજાવે છે કે, ત્યાં દુશ્મનોની કંઈ ટુકડી હોઈ શકે છે.
આ સિસ્ટમ સંભવિત કાર્યવાહીના પગલાઓ પણ સૂચવે છે. જેમ કે, ડ્રોન દ્વારા જાસૂસી, હવાઈ હુમલો કરવો અથવા જમીન પર સૈન્ય કાર્યવાહી કરવી. આ તમામ પ્રક્રિયામાં અંતિમ નિર્ણય કમાન્ડર દ્વારા લેવામાં આવે છે. આ ટેકનોલોજી અમેરિકન આર્મીના પ્રોજેક્ટ મેવન સાથે જોડાયેલી છે. જે ઘણા સમયથી ડ્રોન અને સેટેલાઈટ તસવીરોના માધ્યમથી ટારગેટને ઓળખવા માટે એઆઈનો ઉપયોગ કરે છે.
