લગ્નની લાલચ આપી યુવતી પર બળાત્કાર ગુજારનાર યુવકની ધરપકડ

વડોદરાઃ લગ્નની લાલચ આપી એક યુવતી સાથે દુષ્કર્મ આચરનાર યુવકની પોલીસે બળાત્કારના ગુનામાં ધરપકડ કરી બે દિવસના રિમાન્ડ પર લીધો છે.

પીડિતાએ પોલીસને કહ્યું છે કે,નોકરી કરતા અનુજકુમાર રંજનસિંહ(સૂરમ્ય હાઇટ્સ,દશરથ ગામ)નામના યુવક સાથે પરિચય થયા બાદ બંને એકબીજાના પ્રેમમાં પડયા હતા.યુવકે મને લગ્નની લાલચ આપી હતી અને ૩૦ જાન્યુઆરી થી ૩૧ માર્ચ દરમિયાન જુદીજુદી હોટલ અને અન્ય જગ્યાએ લઇ જઇ મરજી વિરૃધ્ધ સબંધ  બાંધ્યા હતા.

પીડિતાએ કહ્યું છે કે,યુવકને લગ્નની વાત કરતાં તે વાયદા કરતો હતો અને ત્યારબાદ તેણે ઇનકાર કર્યો હતો,જેથી લક્ષ્મીપુરા પોલીસમાં ફરિયાદ કરી હતી. ગુનો નોંધાયા બાદ પીઆઇ ગાયત્રી રાજપૂત અને ટીમે યુવકને કલાકોમાં જ ઝડપી પાડી પુરાવા એકત્રિત કરવાની કાર્યવાહી હાથ ધરી છે.