દાંડી બાદ હવે નવસારીમાંથી મળ્યું બિનવારસી કન્ટેનરઃ પોલીસ સહિતના સંબંધિત વિભાગે હાથ ધરી તપાસ

Navsari Unclaimed Container Found: નવસારીના ઐતિહાસિક દાંડી દરિયાકાંઠે સોમવારે (8 સપ્ટેમ્બક) રાત્રે બિનવારસી કેમિકલનું કન્ટેનર આવી પહોંચ્યું છે. ત્યાં હાજર હોમગાર્ડ દ્વારા આ વિશે પોલીસને જાણ કરવામાં આવી હતી. આ કન્ટેનરમાં કેમિકલ ભરેલું હોવાની આશંકા વ્યક્ત કરવામાં આવી રહી છે. 

આ પણ વાંચોઃ ભરૂચમાં ઝઘડિયાના મુલાદ ગામ પાસેથી ગૌરક્ષકોએ ક્રૂરતાપૂર્વક બાંધેલ 29 પશુઓ ભરેલો આયશર ટેમ્પો ઝડપી પાડ્યો, ચાલક ફરાર

નવસારીના દરિયાકાંઠેથી મળ્યું બિનવારસી કન્ટેનર

નોંધનીય છે કે, સોમવારે (8 સપ્ટેમ્બર) પણ દાંડીના દરિયાકિનારેથી આવું કન્ટેનર મળી આવ્યું હતું. આ કન્ટેનરમાં રંગવિહીન કેમિકલ હોવાનું જાણવા મળ્યું હતું. જોકે, હવે નવસારીમાંથી પણ આવું કન્ટનર મળી આવતા પોલીસનો કાફલો તાત્કાલિક ઘટનાસ્થળે પહોંચ્યો હતો અને આ મામલે તપાસ હાથ ધરી હતી. 

આ પણ વાંચોઃ અમિત ખૂંટ આત્મહત્યા કેસઃ હાઈકોર્ટે અનિરુદ્ધ સિંહ બાદ રાજદીપસિંહ જાડેજાની જામીન અરજી પણ ફગાવી

ગુજરાતમાં અત્યાર સુધી 6 બિનવારસી કન્ટેનર મળ્યા

અત્યાર સુધીમાં પોરબંદર, મુન્દ્રા, દ્વારકા, મીઠાપુર, માંડવી અને નવસારી જિલ્લાના દરિયાકાંઠેથી કુલ 6 જેટલા એક સરખા કન્ટેનર તણાઈને આવ્યા છે. હાલ આ તમામ જિલ્લાના પોલીસે આ વિશે કસ્ટમ વિભાગ સહિત સંબંધિત વિભાગોને જાણ કરી છે. જોકે, હજુ સુધી કન્ટેનરમાં રહેલા પ્રવાહી વિશે કોઈ નક્કર માહિતી સામે આવી નથી. આ મુદ્દે તપાસ કરવામાં આવી રહી છે.