સુરતના સાયણમા ઈન્ડસ્ટ્રીયલ એસ્ટેટમાં લિફ્ટ તૂટતા બે કામદારોના મોત, પોલીસે તપાસ હાથ ધરી

Surat News: સુરતના ઓલપાડ વિસ્તારમાં આવેલા સાયણ ગામમાં લિફ્ટ તૂટવાની ઘટના બની છે. સાયણના આદર્શ નગર-2ના અખંડદીપ ઈન્ડસ્ટ્રીયલ એસ્ટેટમાં પાંચમા માળેથી સામાન ઉતારતા સમયે લિફ્ટ તૂટી પડી હતી. જે દુર્ઘટનામાં બે પરપ્રાંતીય કામદારોના મોત થયા હોવાના સમાચાર મળી રહ્યા છે. ઘટનાની જાણ થતાં જ પોલીસ ઘટના સ્થળે પહોંચી હતી અને સમગ્ર મામલે તપાસ હાથ ધરી છે. મળતી માહિતી અનુસાર, આ દુર્ઘટનામાં રિકી મહંતો અને કિશન નામના 2 યુવા કામદારોના મોત થયા હતા. બંનેના મૃતદેહોને પોસ્ટમોર્ટમ માટે ખસેડાયા છે.