લીંબડી સકટ હાઉસ પાસે બાઈક-કાર અથડાતા બેને ઇજા

સુરેન્દ્રનગર - અમદાવાદ-રાજકોટ નેશનલ હાઈવે પર લીંબડી સકટ હાઉસ પાસે આવેલી હોટલ નજીક જઈ રહેલ કાર પાછળ ધડાકાભેર બાઈક અથડાતા અકસ્માત સર્જાયો હતો. જેમાં ૦૨ વ્યક્તિને ઈજાઓ પહોંચતા સારવાર અર્થે હોસ્પિટલ ખસેડવામાં આવ્યા હતા જે પૈકી એક વ્યક્તિને વધુ ઈજાઓ પહોંચી હોવાથી સારવાર અર્થે સુરેન્દ્રનગર હોસ્પિટલ ખાતે રીફર કરવામાં આવ્યો હતો. આ અકસ્માતને પગલે હાઈવે પર ટ્રાફિક જામના દ્રશ્યો સર્જાયા હતા અને પોલીસે ઘટના સ્થળે પહોંચી વધુ તપાસ હાથ ધરી હતી.