વડોદરાઃ શહેરમાં આજે આગ લાગવાના જુદાજુદા બે બનાવ બનતાં ફાયર બ્રિગેડની મદદ લેવામાં આવી હતી.
કારેલીબાગના સાધનાનગરના બંધ મકાનમાં આજે બપોરે ધડાકો સંભળાતાં આસપાસના રહીશો બહાર દોડી આવ્યા હતા. જે દરમિયાન બંધ મકાનમાંથી ધુમાડા અને આગ દેખાતાં ફાયર બ્રિગેડ તેમજ પોલીસને જાણ કરાઇ હતી.અડધો કલાકની જહેમત બાદ આગ કાબૂમાં આવી હતી.
આવી જ રીતે ભૂતડીઝાંપા પોલીસ લાઇનમાં નવા બનેલા આવાસમાં ચોથા માળે ફ્લેટમાં કોઇ કારણસર આગ લાગતાં ઘરવખરીને નુકસાન થયું હતું.થોડી જ વારમાં ફાયર બ્રિગેડ આવી જતાં આગ વધુ પ્રસરતી અટકી હતી.
