વડોદરાઃ વડોદરાના બાજવા વિસ્તારમાં રાત્રે ત્રાટકેલા ચોરોએ પાંચ જેટલી દુકાનોને નિશાન બનાવી હતી.જવાહરનગર પોલીસે આ અંગે અરજી લીધી હતી.
બાજવાના ગાંધીરોડ વિસ્તારમાં આવેલી પ્રોવિઝન સ્ટોર તેમજ તેની આસપાસની બીજી ચારેક દુકાનોના શટરના તાળાં તૂટતાં દુકાન દારો દોડી આવ્યા હતા.
તપાસ દરમિયાન સીસીટીવીમાં બે ચોરો શટર ઉંચુ કરીને અંદરથી ચોરી કરતા હોય તેવા દ્શ્યો કેદ થયા હતા.પ્રાથમિક વિગતો મુજબ ચોરો રોકડા રૃ.૧૫ થી ૨૦ હજાર તેમજ મસાલાની બરણીઓ જેવી ચીજોની ચોરી કરી હોવાનું જાણવા મળ્યું છે.જો કે જવાહરનગર પોલીસનું પેટ્રોલિંગ થઇ રહ્યું હોવા છતાં ઉપરોક્ત બનાવ બનતાં લોકોમાં ગભરાટ ફેલાયો છે.
