વડોદરાઃ સ્ટેટ મોનિટરિંગ સેલે ફરી એક વાર વડોદરા નજીક હાઇવે પરથી દારૃ ભરેલા કન્ટેનરને પકડી ડ્રાઇવરની ધરપકડ કરી હતી. પોલીસે દારૃના નેટવર્કની તપાસ માટે ડ્રાઇવરને રિમાન્ડ પર લેવાની તજવીજ હાથ ધરી છે.
રાજસ્થાનથી દારૃનો મોટો જથ્થો એક કન્ટેનરમાં મોકલવામાં આવ્યો હોવાની વિગતો મળતાં સ્ટેટ મોનિટરિંગ સેલે વડોદરા- કરજણ રોડ પર વોચ રાખી હતી.જે દરમિયાન રાત્રે સાડાત્રણેક વાગે એક કન્ટેનર શંકાસ્પદ જણાતાં પોલીસે તેનો પીછો કર્યો હતો.આ ટેન્કરને વડોદરાની ગોલ્ડન ચોકડી પાસે ઓવરટેક કરી આંતરતાં અંદર ચોરખાનામાંથી દારૃની કુલ ૯૩૬ પેટી મળી આવી હતી.
પોલીસે ડ્રાઇવર રેખારામ ઉર્ફે રાકેશ મોથારામ જાટ(નિમ્બજ,ઝાલોર,રાજસ્થાન)ને અટકમાં લઇ પૂછપરછ કરતાં તેણે આબુરોડ ખાતેથી દારૃ ભરેલું કન્ટેનર લઇ નીકળ્યો હોવાની અને વડોદરાની ગોલ્ડન ચોકડીના પાર્કિંગમાં ડિલિવરી લેવા કોઇ આવનાર હોવાની કબૂલાત કરી હતી.
પોલીસે કુલ રૃ.૬૪.૬૫લાખની કિંમતની દારૃ અને બિયરની ૨૮૭૦૪ બોટલો,કન્ટેનર, બે મોબાઇલ અને એક ઓક્સિજન સિલિન્ડર મળી રૃ.૮૯ લાખનો મુદ્દામાલ કબજે કરી સપ્લાયર તેમજ દારૃ મંગાવનારને વોન્ટેડ જાહેર કર્યા છે.
દારૃની એક ટ્રિપ માટે ડ્રાઇવરને રૃ.40 હજારનો પગાર,દસ દિવસમાં બીજી ટ્રિપ
રાજસ્થાનથી ગુજરાતમાં દારૃની એક ટ્રિપ માટે કન્ટેનરના ડ્રાઇવરને રૃ.૪૦ હજાર આપવામાં આવે છે.દારૃ ભરેલા કન્ટેનર સાથે પકડાયેલા ડ્રાઇવર રેખારામ જાટની પોલીસે પૂછપરછ કરતાં તેણે કબૂલ્યું હતું કે,દસ દિવસ પહેલાં પણ હું એક ટ્રિપ મારી ગયો હતો અને અમદાવાદ બાયપાસ પાસે દારૃની ડિલિવરી આપી હતી.
