કલોલમાં ઓટો હાઉસના માલિકે મકાનમાં છુપાવેલું રૃપિયા ૧૧ લાખનું ઓઇલ જપ્ત

મામલતદાર કચેરી દ્વારા કાર્યવાહી

રહેણાંક વિસ્તારમાં ઓઇલની દુકાનમાં આગ લાગતાં આઠ કલાક બાદ કાબુમાં આવી હતીે

આ બાબતે મળતી વિગતો અનુસાર કલોલ ના ઓટો હાઉસ નામની દુકાનમાં આગ લાગી હતી  આટો હાઉસ નામની દુકાનમાં ઓઇલ નો હોલસેલ નો વેપાર કરવામાં આવતો હતો અહીં મોટી સંખ્યામાં ઓઇલનો જથ્થો રાખવામાં આવ્યો હતો જેમાં રાત્રે ૨ વાગે આગ લાગી હતી જેનો કોલ ફાયર બ્રિગેડને આપવામાં આવતા ફાયર બ્રિગેડની ટીમો દોડી આવી હતી અને આગ ઉપર પાણીનો મારો ચલાવ્યો હતો આગ એટલી વિકરાળ હતી કે આસપાસના રહેણાંક વિસ્તારના લોકોને સલામત સ્થળે ખસેડવા પડયા હતા રાત્રે ૨.૦૦ વાગે લાગેલી આગ સવારે ૮.૦૦ વાગે કાબુમાં આવી હતી અને આગને કાબુમાં કરવા માટે દુકાને તોડી પાડવામાં આવી હતી ત્યારે આ દુકાન માલિક દ્વારા તેનો ઓઇલનો અન્ય જથ્થો રહેણાંક વિસ્તારના મકાનમાં છુપાવવામાં આવ્યો હોવાની માહિતી મામલતદાર કચેરીને મળી હતી તેના આધારે મામલતદાર દ્વારા કાર્યવાહી કરવામાં આવી હતી રહેણાંક વિસ્તારના મકાનમાં ઓઇલ નો જથ્થો રાખવામાં આવ્યો હોવાથી ફરીથી કોઈ આગની ઘટના ન બને તે માટે મામલતદાર કચેરીની ટીમ દ્વારા રહેણાંક વિસ્તારમાં છુપાવવામાં આવેલો ઓઇલ નો જથ્થો કે જેની કિંમત ૧૧ લાખ ઉપરાંત થાય છે તે જપ્ત કરવામાં આવ્યો હતો અને જથ્થો સરદારબાગ સામે આવેલા સરકારી ગોડાઉનમાં સલામત ખસેડવામાં આવ્યો હતો.