મારો દીકરો સરકારી નોકરી કરે છે, અમારે ૧૦ લાખ વધુ જોઇએ છે

 વડોદરા,દહેજની માગણી કરી પરિણીતાને ત્રાસ આપતા પતિ, સાસુ, સસરા અને અન્ય સાસરિયા સામે બાપોદ  પોલીસે ગુનો દાખલ કર્યો છે.

વાઘોડિયારોડ વિસ્તારમાં રહેતી આરતી નામની યુવતીના લગ્ન મધ્યપ્રદેશના ગ્વાલિયરમાં  રહેતા મોહિત મહેશભાઇ રાઠોડ સાથે થયા હતા. આરતીએ બાપોદ પોલીસ સ્ટેશનમાં  ફરિયાદ નોંધાવી જણાવ્યું છે કે,  લગ્ન પછી હું સાસરીમાં સાસુ  રામકલીબેન ,સસરા મહેશભાઇ તથા જેઠ અને જેઠાણી સાથે  રહેવા ગઇ હતી. લગ્નના બીજા દિવસે મારા પતિ અને સાસુએ કહ્યું હતું કે,તું સોનુ અને ચાંદી લઇને આવી નથી, તારા  માતાને ફોન કરીને મગાવી લે.મારા સાસુ,સસરા કહેતા હતા કે, મારો દીકરો મોહિત સરકારી નોકરી  કરે છે અને અમારે ૧૦ લાખ રૃપિયા વધુ જોઇએ છે. તેઓ મને અવારનવાર શારીરિક અને માનસિક ત્રાસ આપતા હતા.