રાજ્યમાં સવારે 6 વાગ્યાથી સાંજે 6 વાગ્યા સુધીમાં 147 ભારેથી અતિભારે વરસાદ થયો છે. જેમાં ડાંગના વઘઈમાં 13 ઈંચથી વધુ વરસાદથી જળબંબાકારની સ્થિતિ છે. અનેક વિસ્તારો જળમગ્ન થયા છે. જ્યારે તાપીના ડોલવણ, જૂનાગઢના માળીયા હાટીના, માંગરોળ, ડાંગના સુબીર અને સુરતના અંબિકામાં 11 ઇંચથી વધુ વરસાદ ખાબક્યો છે.
Gujarat
ડાંગના વઘઈમાં 13 ઇંચ વરસાદ, અન્ય 6 તાલુકામાં 11-11 ઇંચ, 147 તાલુકામાં મેઘમહેર
ગુજરાતમાં મેઘરાજાએ ધડબડાટી બોલાવી છે. છેલ્લા 24 કલાકમાં જૂનાગઢના માંગરોળમાં 12.64 ઇંચ અને ગીર સોમનાથના સુત્રાપાડામાં 12.36 ઇંચ જેટલો અતિભારે વરસાદ ખાબક્યો છે. આભ ફાટ્યા જેવી સ્થિતિ સર્જાતા અનેક વિસ્તારો જળબંબાકાર બન્યા છે. નીચાણવાળા વિસ્તારોમાં પાણી ભરાયા છે, જેનાથી જનજીવન પ્રભાવિત થયું છે.
Summarized by AI; it may make mistakes. Check important info
ગુજરાતમાં મેઘરાજાએ ધડબડાટી બોલાવી છે. છેલ્લા 24 કલાકમાં જૂનાગઢના માંગરોળમાં 12.64 ઇંચ અને ગીર સોમનાથના સુત્રાપાડામાં 12.36 ઇંચ જેટલો અતિભારે વરસાદ ખાબક્યો છે. આભ ફાટ્યા જેવી સ્થિતિ સર્જાતા અનેક વિસ્તારો જળબંબાકાર બન્યા છે. નીચાણવાળા વિસ્તારોમાં પાણી ભરાયા છે, જેનાથી જનજીવન પ્રભાવિત થયું છે.
Summarized by AI; it may make mistakes. Check important info
Gujarat Weather news Updates : ગુજરાતના હવામાન વિભાગ દ્વારા જાહેર કરવામાં આવેલા લેટેસ્ટ આંકડા અનુસાર ગઇકાલે સવારના 6 વાગ્યાથી લઈને આજે સવારના 6 વાગ્યા સુધીમાં જૂનાગઢના માંગરોળમાં 12.64 ઈંચ જેટલો વરસાદ ખાબકી જતા આભ ફાટ્યા જેવી સ્થિતિ સર્જાઈ છે. જ્યારે ગીર સોમનાથના સુત્રાપાડામાં પણ 12.36 ઈંચ વરસાદથી પાણી પાણીની સ્થિતિ સર્જાઈ છે. જ્યારે બીજી બાજે મહેસાણાના કડીમાં અડધી રાતે માત્ર બે કલાકના અરસામાં 8 ઈંચ જેટલો વરસાદ ખાબકી ગયો હતો. જ્યારે જૂનાગઢના માણાવદરમાં પણ 9 ઈંચ વરસાદ ખાબક્યો હતો. આજના સવારના 6 વાગ્યાથી લેટેસ્ટ આંકડા સામે આવવા લાગ્યા છે. આજે મેઘરાજાએ વલસાડ અને નવસારીનો વારો પાડ્યો હોય તેવું દેખાઈ રહ્યું છે. આગામી ત્રણ કલાક માટે 9 જિલ્લામાં રેડ એલર્ટ, 17 જિલ્લામાં ઓરેન્જ એલર્ટ જાહેર કરવામાં આવ્યું છે.
ડાંગના વઘઈમાં 13 ઈંચથી વધુ વરસાદ, અન્ય 6 તાલુકામાં 11-11 ઇંચ ખાબક્યો
કડીમાં બારે મેઘ ખાંગા
મહેસાણાના કડીમાં 24 કલાકમાં 9 ઈંચ વરસાદના કારણે અનેક સોસાયટીઓમાં પાણી ભરાઈ ગયા છે.
તાપીમાં ભારે વરસાદના કારણે 50 રસ્તા બંધ
તાપીમાં વરસાદી માહોલના કારણે નદી નાળા છલકાયાં છે. જે બાદ પંચાયત હસ્તકના 50 રસ્તા બંધ કરી દેવાયા છે.
સુરતના અંબિકામાં મૂશળધાર વરસાદ, 8 કલાકમાં 10.31 ઈંચ, ડાંગના વઘઈમાં તો મેઘતાંડવ, 112 તાલુકામાં ધોધમાર વરસાદ
રાજ્યમાં સવારે 6 વાગ્યાથી બપોરે 2 વાગ્યા સુધીમાં 112 તાલુકામાં વરસાદ નોંધાયો છે. જેમાં સૌથી વધુ ડાંગના વઘઈમાં 12 ઇંચથી વધુ વરસાદ ખાબક્યો છે. જ્યારે સુરતના અંબિકામાં 8 કલાકમાં 10.31 ઈંચ મૂશળધાર વરસાદ વરસ્યો છે. તેમજ તાપીના ડોલવણમાં 9.65 ઇંચ, નવસારીના વાંસદામાં 8.94 ઇંચ, ચીખલીમાં 8.62 ઇંચ, વલસાડ, તાપીના વાલોડ, ડાંગ, નવસારીના ગણદેવીમાં 7 ઇંચથી વધુ વરસાદ ખાબક્યો છે. જ્યારે રાજ્યમાં 38 તાલુકામાં 1 ઇંચથી વધુ વરસાદ નોંધાયો છે.
ભાવનગર-સોમનાથ હાઈવે વચ્ચેથી ફાટી ગયો!
પ્રથમ વરસાદે જ ભાવનગર-સોમનાથ હાઈવે વચ્ચેથી જ ફાટી ગયો હતો. આ બ્રિજનો વીડિયો પણ સામે આવ્યો છે.
ડાંગના વઘઈમાં મેઘરાજાની ધમાકેદાર બેટિંગ
હવામાન વિભાગના લેટેસ્ટ આંકડા અનુસાર છેલ્લા છ કલાક એટલે કે સવારના 6 વાગ્યાથી બપોરના 12 વાગ્યા સુધીમાં ડાંગના આહ્વામાં 9.84 એટલે કે 10 ઈંચ જેટલો વરસાદ ખાબકી ચૂક્યો છે. જ્યારે નવસારીના ચીખલીમાં 8.39 અને વાંસદામાં 8.23 ઈંચ વરસાદ નોંધાઈ ચૂક્યો છે. બીજી બાજુ તાપીના ડોલવણમાં 7.13 ઈંચ વરસાદ પડ્યો હોવાની જાણકારી સામે આવી છે.
આગામી ત્રણ કલાક માટે અતિ ભારે વરસાદનું એલર્ટ
ગુજરાતના જૂનાગઢ, ગીર સોમનાથ, ખેડા, આણંદ, સુરત, તાપી, ડાંગ, નવસારી, વલસાડ તથા બે કેન્દ્રશાસિત પ્રદેશ દાદરા નગર હવેલી અને દમણમાં અતિ ભારે વરસાદનું રેડ એલર્ટ જાહેર કરવામાં આવ્યું છે. જ્યારે પોરબંદ, રાજકોટ, ભાવનગર, અમરેલી, બોટાદ, સુરેન્દ્રનગર, અમદાવાદ, ગાંધીનગર, સાબરકાંઠા, મહેસાણા, અરવલ્લી, પંચમહાલ, છોટા ઉદેપુર, દાહોદ, ભરુચ, વડોદરા અને નર્મદા જિલ્લામાં અતિ ભારે વરસાદનું ઓરેન્જ એલર્ટ જાહેર કરાયું છે.
વલસાડમાં ભારે વરસાદના કારણે શાળા-કોલેજ અને સ્ટેટ હાઈવે બંધ
વલસાડમાં સવારે 6થી 10 એમ ચાર જ કલાકમાં 7 ઈંચથી વધુ વરસાદ પડવાના કારણે શાળા-કોલેજોમાં રજા જાહેર કરાઈ છે. સ્ટેટ હાઈવે તથા જિલ્લા પંચાયતના 36 રસ્તા બંધ કરી દેવાયા છે. તથા નીચાણવાળા વિસ્તારોમાં NDRFની ટીમો તૈનાત કરવામાં આવી છે.
નવસારીના ચીખલીમાં ધમધોકાટ વરસાદ, 4 કલાકમાં 8 ઈંચથી પાણી જ પાણી
હવામાન વિભાગે જાહેર કરેલા આંકડાઓ અનુસાર આજે સવારથી જ વલસાડની સાથે નવસારીમાં પણ મેઘરાજાએ જોરદાર બેટિંગ કરી. નવસારીના ચીખલીમાં અત્યાર સુધીમાં માત્ર ચાર કલાકના ગાળામાં 8.03 ઈંચ જેટલો વરસાદ ખાબકી જતાં ચોરકોર પાણી જ પાણીની સ્થિતિ સર્જાઈ છે. જ્યારે વલસાડમાં 6.89 ઈંચ જેટલો વરસાદ વરસી ચૂક્યો છે. બીજી બાજુ ડાંગમાં 5.04 ઈંચ જેટલો વરસાદ વરસી ગયો છે. 
કડીમાં આભ ફાટ્યું, બે જ કલાકમાં 8 ઇંચ વરસાદ
મહેસાણા જિલ્લાના કડી પંથકમાં વીજળીના કડાકા સાથે આભ ફાટ્યું હોય તેવી સ્થિતિ સર્જાઈ હતી. કડીમાં રાત્રે 2થી 4 વાગ્યાના માત્ર બે જ કલાકના ટૂંકા ગાળામાં આશરે 8 ઇંચ જેટલો અનરાધાર વરસાદ ખાબકતાં સમગ્ર કડી શહેર અને આસપાસનો વિસ્તાર પાણીમાં ગરકાવ થઈ ગયો છે.
મેઘરાજાએ વલસાડનો વારો પાડ્યો, બે કલાકમાં 6.10 ઈંચ વરસાદ, 29 તાલુકામાં મેઘમહેર
ગઇકાલે જૂનાગઢ અને ગીર સોમનાથ બાદ આજે મેઘરાજાએ જાણે વલસાડ જિલ્લાનો વારો પાડ્યો હોય તેવી સ્થિતિ દેખાઈ રહી છે. હવામાન વિભાગના લેટેસ્ટ આંકડા પ્રમાણે સવારના 6 વાગ્યાથી 8 વાગ્યા સુધીના બે કલાકના ટૂંકા ગાળામાં જ મેઘરાજાએ ધમાકેદાર બેટિંગ કરતા વલસાડ તાલુકામાં 6.10 ઈંચ વરસાદ નોંધયો હતો. જ્યારે તેના બાદ ડાંગના ધ ડાંગ તાલુકામાં 3.11 અને નવસારીના ગણદેવીમાં 2.17 ઈંચ વરસાદ નોંધાયો હતો. સવારના બે કલાકમાં અત્યાર સુધીમાં 29 તાલુકામાં મેઘમહેર થઇ ચૂકી છે.
5 જિલ્લા સિવાય તમામ ગુજરાતમાં વરસાદનું યલો એલર્ટ
જામનગર, મોરબી, રાજકોટ, અમરેલી, બોટાદ, ભાવનગર સિવાય તમામ ગુજરાતમાં આજે હળવા વરસાદનું યલો એલર્ટ જાહેર કરવામાં આવ્યું છે. ગઈકાલે અનેક જિલ્લાને ઘમરોળ્યા બાદ મેઘરાજાની સવારે આજે ધીમી પડવાની શક્યતા છે. જોકે આ આગાહી સવારના 7ના 10 વાગ્યા સુધીના ત્રણ કલાક માટે જ છે.
ગુજરાત તરફ આગળ વધેલું ચોમાસું અનુકૂળ પરિસ્થિતિમાં
ભારતીય હવામાન વિભાગ (IMD) અનુસાર, 2 જુલાઈ 2026ના રોજ દક્ષિણ-પશ્ચિમ ચોમાસું ગુજરાતના વધુ વિસ્તારો, સમગ્ર દિલ્હી, ઉત્તર પ્રદેશના બાકીના વિસ્તારો, મધ્યપ્રદેશના મોટાભાગના ભાગો તેમજ હરિયાણા, પંજાબ અને રાજસ્થાનના કેટલાક વિસ્તારો સુધી આગળ વધ્યું છે. આગામી 2થી 3 દિવસમાં ચોમાસું ગુજરાત, મધ્યપ્રદેશ, હરિયાણા, પંજાબ અને રાજસ્થાનના વધુ વિસ્તારોમાં આગળ વધવા માટે અનુકૂળ પરિસ્થિતિ છે.
આજે ક્યાં ક્યાં વરસાદની આગાહી?
રેડ એલર્ટ: અમરેલી, ભાવનગર, સુરત, નવસારી, વલસાડ.
ઓરેન્જ એલર્ટ: પોરબંદર, જૂનાગઢ, ગીર સોમનાથ, ભરૂચ, નર્મદા, તાપી, ડાંગ.
યલો એલર્ટ: દેવભૂમિ દ્વારકા, રાજકોટ, બોટાદ, આણંદ, વડોદરા, પંચમહાલ, છોટા ઉદેપુર.
5 જેટલી સિસ્ટમ સક્રિય
ગુજરાતમાં જુલાઇ આવતા જ વરસાદની જમાવટ શરૂ થઈ ગઈ છે. દક્ષિણ ગુજરાત અને સૌરાષ્ટ્રના મોટાભાગના જિલ્લામાં વરસાદનું આગમન થઈ ચૂક્યું છે. છેલ્લા 15 દિવસથી ખેડૂતો સારા વરસાદની રાહ જોઈ રહ્યા છે ત્યારે રાજ્ય આસપાસ એક સાથે 5 જેટલી સિસ્ટમ (ટ્રફ, શેયર ઝોન, લો પ્રેશર, સાયક્લોનિક સર્ક્યુલેશન અને વેસ્ટર્ન ડિસ્ટર્બન્સ) સક્રિય થતાં આગામી દિવસોમાં ધમધોકાર વરસાદ પડે તેવી આગાહી છે.
છેલ્લા 24 કલાકમાં ગુજરાતના 172 તાલુકામાં મેઘરાજા મહેરબાન
