કન્ટેનર ઘરની દીવાલ તોડીને ઘરમાં ઘુસી જતા ઇજાગ્રસ્તનું મોત

 વડોદરા,સાંકરદા હાઇવે પર ઘરની દીવાલ તોડીને ઘુસી ગયેલા કન્ટેનરના કારણે અકસ્માત થયો હતો. આ અકસ્માતમાં ઘાયલ યુવકનું સારવાર દરમિયાન મોત થયું છે.

છાણી નજીક સાંકરદા બ્રિજ પાસે દુર્ગા એસ્ટેટના મેન ગેટ પાસે ડ્રાયફ્રુટની દુકાન અને એક રૃમ આવેલી છે.જેમાં મુકેશ રામ અને તેના બે ભત્રીજા સહિત કેટલાક શ્રમજીવીઓ સૂઇ રહ્યા હતા.

ગત ૨૯ મી તારીખે પરોઢિયે એક કન્ટેનર દીવાલ તોડીને  તેમના રૃમમાં ધસી આવ્યું હતું કન્ટેનરે ડ્રાયફ્રુટની દુકાન તેમજ ગેટ પણ તોડી નાંખ્યા હતા.તેનો આગળનો ભાગ તૂટતાં ડ્રાઇવરને પણ ઇજા થઇ હતી. આ અકસ્માતમાં ઇજાગ્રસ્ત અમીતકુમાર બ્રહ્માનંદભાઇ રામ (રહે. સાંકરદા ગામ, વડોદરા)ને ગંભીર ઇજા થતા તેને સારવાર માટે સયાજી હોસ્પિટલમાં દાખલ કરવામાં આવ્યો હતો. જ્યાં સારવાર દરમિયાન તેનું આજે મોત થયું છે