ફાજલપુર નજીક ટ્રકમાં ડુંગળીની આડમાં લવાતો 15 લાખનો દારૂ પકડાયો

Vadodara Police : વડોદરાના ફાજલપુર વિસ્તારમાં ગઈ રાત્રે પોલીસે દરોડો પાડી એક ટ્રકમાંથી 15 લાખ ઉપરાંતની કિંમતની શરાબની બોટલો પકડી હતી. 

વાસદથી વડોદરા વચ્ચે ફાજલપુર ગરનાળા પાસે પોલીસે એક ટ્રકને તપાસતાં ડુંગળીનો જથ્થો ભરેલો જણાઈ આવ્યો હતો. પોલીસને દારૂની માહિતી હોવાથી ડુંગળીનો જથ્થો ખસેડતા નીચે દારૂની પેટીઓ મળી આવી હતી. 

ડીસીપી ઝોન-1ની એલસીબી ટીમે વિસ્કી તેમજ દારૂની જુદી-જુદી બ્રાન્ડની 15.32 લાખ 6,588 બોટલ કબજે કરી ડ્રાઇવર જયંતિ દેવુભાઈ માથાસુરીયા (ડોલીયા ગામ, સાયલા, સુરેન્દ્રનગર) ની ધરપકડ કરી પૂછપરછ કરતા સવજી માથાસુરીયા નામનો શખ્સ કિંમત ચોકડી પાસે દારૂનો જથ્થો આપી ગયો હોવાની વિગતો બહાર આવી હતી. જેથી પોલીસે તેના વોન્ટેડ જાહેર કર્યો છે.