જામનગર નજીક હાપા સામત પીર વિસ્તારમાં રહેતા હેમત લખુભાઇ ગમારા સામે વર્ષ 2016માં લૂંટ અંગેનો ગુનો નોંધાયો હતો, જે ગુનામાં પોલીસ દ્વારા જે તે વખતે આરોપીની ધરપકડ કરી અને અદાલતમાં રજૂ કરાયો હતો.
જે દરમિયાન અદાલતે તેને રૂપિયા 10,000ના શરતી જામીન પર મુક્ત કર્યો હતો. ત્યારબાદ કોર્ટમાં કેસ ચાલી રહ્યો હતો, તેની અલગ અલગ તારીખો સમયે આરોપી વારંવાર હાજર થતો ન હતો, જેથી અદાલત દ્વારા તેની સામે કલમ 229 એ મુજબ ગુનો નોંધવાનો આદેશ કરાયો હતો.
જેથી પંચકોષી એ. ડિવિઝનના પોલીસ ઇન્સ્પેક્ટર એમ.એન.શેખ અને તેઓની ટીમ દ્વારા આરોપી હેમંત રઘુભાઈ ગમારા સામે ગુન્હો દાખલ કરવામાં આવ્યો છે. હાલ આરોપી નાસ્તો ફરતો રહ્યો હોવાથી પોલીસ તેને શોધી રહી છે.
