શિનોર તા.૧૬ શિનોર તાલુકાના ચકચારી હની ટ્રેપના ગુનામાં પોલીસે આખરે મુખ્ય સૂત્રધાર મહિલા સહિત બેની ધરપકડ કરી વધુ પૂછપરછ માટે કોર્ટમાં રજૂ કરી આઠ દિવસના રિમાન્ડ મેળવ્યા બાદ વધુ એક આરોપીની ધરપકડ કરી છે.
શિનોર પોલીસ સ્ટેશનમાં તા.૬ ફેબુ્રઆરીના રોજ શિનોરના એક ખેડૂતે નવ આરોપીઓ સામે રૃા.૭૫.૭૫ લાખની બ્લેકમેલિંગ અંગેની ફરિયાદ નોંધાવી હતી. આ ગુનામાં અગાઉ પોલીસે અનવર મન્સૂરી, સલીમ ઉર્ફે બતક, આશિક સિકંદર પઠાણ, આશિક પઠાણના પુત્ર અશફાક, શૈલેષ વસાવા, મનિષાના બનેવી આકાશ વસાવા, મનિષાની સહેલીનો પતિ પ્રકાશ વસાવા, મનિષાનો ભાઇ હરદીપસિંહ ધરીયા, નિશાબેન વસાવા, મનિષાની માતા લક્ષ્મીબેન ઠાકોર પટેલની ધરપકડ કરી હતી.
દરમિયાન પોલીસે મુખ્ય આરોપી મનિષા ઉર્ફે શાંતાબેન વસાવા, તથા આશિકનો ભાઈ અહેમદ સિંકદરખા પઠાણને ઝડપી પાડયા હતાં. બંનેને કોર્ટમાં રજૂ કરી પોલીસે આઠ દિવસના રિમાન્ડ મેળવ્યા છે. આ સાથે પોલીસે વધુ એક આરોપી અક્ષય પ્રતાપભાઇ વસાવા (રહે.બાંડાબેડા, તા.વાલિયા, જિલ્લો ભરૃચ)ને પણ ઝડપી પાડયો છે. પોલીસે જણાવ્યું હતું કે અક્ષય મનિષાનો બનેવી બન્યો હતો.
