ગુજરાતના 26 લોકસભા સાંસદોએ પણ 384 કરોડની ગ્રાન્ટ મેળવી છતાં 82.47 કરોડ જ ખર્ચ્યા
Summarized by AI; it may make mistakes. Check important info
Summarized by AI; it may make mistakes. Check important info
Gujarat Lok Sabha MP grant: ગુજરાતમાંથી રાજ્યસભાની જેમ લોકસભાના સાંસદો પણ તેમને મળેલી ગ્રાન્ટનો ઉપયોગ કરવામાં ઉણા ઉતર્યા હોય તેવું ચિત્ર સામે આવી રહ્યું છે. 18મી લોકસભાને ચોથી જૂને 3 વર્ષ પૂરા થવા જઈ રહ્યા છે. ગુજરાતમાંથી ચૂંટાયેલા 26 સાંસદો દ્વારા કુલ રૂપિયા 384 કરોડની ગ્રાન્ટમાંથી રૂપિયા 82.47 કરોડ જ ખર્ચવામાં આવ્યા છે. આમ, રાજ્યના સાંસદો તેમને મળેલી ગ્રાન્ટમાંથી 21 ટકાનો જ ઉપયોગ કરી શક્યા છે.
ગ્રાન્ટના ખર્ચ અને ટેન્ડરની પ્રક્રિયા
લોકસભાના સાંસદોને મેમ્બર ઓફ પાર્લામેન્ટ લોકલ એરિયા ડેવલપમેન્ટ સ્કીમ હેઠળ વિકાસ કામ માટે રૂપિયા 5 કરોડની ગ્રાન્ટ દર વર્ષે ફાળવવામાં આવે છે. આ રકમથી આશરે 5 વર્ષના કાર્યકાળમાં રૂપિયા 25 કરોડના વિકાસ કામો ભલામણ કરી શકે છે. સાંસદ દ્વારા માત્ર કામની ભલામણ કરવામાં આવે છે. ખર્ચ અને ટેન્ડર પ્રક્રિયા જિલ્લા કલેક્ટર, જિલ્લા ગ્રામ વિકાસ એજન્સી, સંબંધિત સરકારી વિભાગ દ્વારા કરવામાં આવે છે. મિનિસ્ટરી ઓફ સ્ટેટિસ્ટિક્સ એન્ડ પ્રોગ્રામ ઈમ્પ્લિમેન્ટેશન દ્વારા યોજનાની દેખરેખ થાય છે.
ગ્રાન્ટ ખર્ચવામાં મનસુખ વસાવા મોખરે
ગુજરાતના સાંસદોમાંથી મળેલી ગ્રાન્ટમાંથી સૌથી વધુ રકમ ખર્ચવામાં ભરૂચના મનસુખ વસાવા મોખરે છે. તેમણે મળેલી 14.70 કરોડની ગ્રાન્ટમાંથી 5.75 કરોડ તેમણે ખર્ચ્યા છે. આમ, તેમણે 39.1 ટકા રકમનો ઉપયોગ કરેલો છે. મળેલી ગ્રાન્ટમાંથી સૌથી વધુ રકમ kharchvaamaa પાટણના ભરતસિંહ ડાભી 37.94 ટકા સાથે બીજા, અમરેલીના ભરત સુતરિયા 34.61 ટકા સાથે ત્રીજા, નવસારીના સી.આર. પાટીલ 33.83 ટકા ચોથા, જૂનાગઢના રાજેશ ચુડાસમા 31.50 ટકા સાથે પાંચમાં સ્થાને છે.
15%થી ઓછો ખર્ચ કરનારા સાંસદો
15 ટકાથી પણ ઓછી રકમ ખર્ચી હોય તેવા સાંસદોમાં ગાંધીનગરના અમિત શાહ, Ahmedabad પશ્ચિમના દિનેશ મકવાણા, Ahmedabad પૂર્વના હસમુખ પટેલ, દાહોદના જસવંતસિંહ ભાભોર, બનાસકાંઠાનાં ગેનીબેન ઠાકોર, પંચમહાલના રાજપાલસિંહ જાદવ, જામનગરનાં પૂનમ માડમ, પોરબંદરના ડૉ. મનસુખ માંડવિયા, બારડોલીના પ્રભુભાઈ વસાવાનો સમાવેશ થાય છે.
