Gujarat Budget 2026: ગુજરાત વિધાનસભા સત્રમાં આજે 18 ફેબ્રુઆરીના રોજ નાણામંત્રી કનુ દેસાઈએ વર્ષ 2026-2027નું બજેટ રજૂ કર્યું, કનુ દેસાઈએ સતત પાંચમી વખત બજેટ રજૂ કરતાં નવો વિક્રમ બનાવ્યો, આ વખતે ગુજરાતના બજેટનું કદ 4,08,053 કરોડ છે. તેમજ 974 કરોડની પુરાંતવાળું અંદાજપત્ર રજૂ કર્યું છે જેમાં શિક્ષણ વિભાગ માટે કુલ રૂ. 63 હજાર 184 કરોડની જાહેરાત કરવામાં આવી છે.
શિક્ષણ વિભાગ માટે 13 મોટી જાહેરાતો
-મિશન સ્કૂલ્સ ઑફ એક્સલન્સ અંતર્ગત પ્રાથમિક અને માધ્યમિક શાળાઓના માળખાગત સુધારણા માટે રૂ. 3055 કરોડની જોગવાઈ
-નમો લક્ષ્મી યોજના માટે રૂ. 1250 કરોડ, RTEના વિદ્યાર્થીઓ માટે રૂ. 827 કરોડની જોગવાઈ
-મુખ્યમંત્રી પૌષ્ટિક અલ્પાહાર યોજના માટે રૂ. 598 કરોડની જોગવાઈ
-પી.એમ. પોષણ યોજના અંતર્ગત 74 તાલુકામાં આધુનિક સેન્ટ્રલાઇઝડ કિચન નિર્માણ કરાશે
-નમો સરસ્વતી વિજ્ઞાન સાધના યોજના અંતર્ગત અંદાજે 2 લાખ 50 હજાર વિદ્યાર્થીઓને સહાય 250 કરોડ રૂપિયાની સહાય અપાશે
-જ્ઞાનશક્તિ રેસિડેન્શીયલ સ્કૂલ્સ ઑફ એકસલન્સ માટે રૂ. 223 કરોડ
-એસ.ટી. નિગમની બસોમાં મુસાફરી કરતાં આશરે 13 લાખ વિદ્યાર્થીઓને બસ પાસ ફી કન્સેશન યોજના માટે રૂ. 223 કરોડ
-31 હજાર 790 શાળાઓને સ્વચ્છતા સહાયમાં બમણો વધારો. રૂ. 135 કરોડ
-ઉચ્ચતર પ્રાથમિક શાળાઓમાં એક જ કેમ્પસમાં બાલવાટિકાથી ધોરણ 10 સુધીનું શિક્ષણ પૂરું પાડવા સંકલિત શાળાઓના નવા બાંધકામ માટે રૂ. 120 કરોડ
-પ્રાથમિક શાળાના અંદાજે 52 લાખથી વધુ વિદ્યાર્થીઓને વિનામૂલ્યે પાઠ્યપુસ્તક પૂરા પાડવા રૂ. 119 કરોડ
-મુખ્યમંત્રી યુવા સ્વાવલંબન યોજના અંતર્ગત 18 લાખ વિદ્યાર્થીઓને વિનામૂલ્યે પાઠ્યપુસ્તક પૂરા પાડવા રૂ. 112 કરોડ
-મુખ્યમંત્રી જ્ઞાન સાધના મેરિટ સ્કોલરશિપ યોજના હેઠળ અંદાજે 1 લાખ વિદ્યાર્થીઓને સહાય આપવા રૂ.100 કરોડ
-ધોરણ-6થી 12માં અભ્યાસ કરતી 9.72 લાખ વિદ્યાર્થિનીઓને સેનેટરી નેપકિન માટે રૂ. 47 કરોડ
