અલકાપુરીની હોમલોન કંપનીની ઓફિસની ટેરેસ પર દારૃની મહેફિલ માણતા આઠ કર્મચારી પકડાયા

વડોદરાઃ અલકાપુરી વિશ્વાસ કોલોની ખાતે આવેલા ગોલ્ડ ક્રોપ્ટ કોમ્પ્લેક્સમાં ડીસીઆઈ નામની હોમ લોન આપતી કંપનીના આઠ કર્મચારીઓ મન્થ એન્ડિંગ નિમિત્તે ઓફિસની ટેરેસ પર જ ગઇરાતે દારૃની મહેફિલ માણતા ઝડપાઇ ગયા હતા.

હોમલોનની ઓફિસની ટેરેસ પર કેટલાક લોકો દારૃની પાર્ટી કરી રહ્યા હોવાની માહિતી મળતાં અકોટા પોલીસના હેકો હરપાલસિંહ અને ટીમે દરોડો પાડયો હતો.જે દરમિયાન એક ખૂણામાં કેટલાક લોકો કુંડાળુ વળીને બેઠેલા હતા.વચ્ચે દારૃની અડધી બોટલ, આઠ ગ્લાસ અને નાસ્તાના પેકેટ્સ હતા.પોલીસે તમામ લોકોની ધરપકડ કરી હતી.જેમના નામ આ મુજબ છે.

(૧)ભાવિક પ્રિતેશભાઈ ઉપાધ્યાય (ઇલોરા પાર્ક સોસાયટી,દિવાળીપુરા)(૨) મનોજ વાસુદેવ સાધુ(પરષોત્તમ નગર ફ્લેટ્સ,રાણીપ,અમદાવાદ)(૩)હરી વસંતભાઈ બારોટ (હરિઓમ નગર સોસાયટી,ભાયલીરોડ)(૪)યામીન સલીમ ભાઈ શેખ (અલસફા કોમ્પ્લેક્સ,તાંદલજા)  (૫)અપત રાજેશભાઈ ચિત્રે (શરદ નગર, તરસાલી મૂળ વર્ષા સોસાયટી રોડ,સુભાષ નગર,ભાવનગર)(૬)અભિલાષ ઓમ નારાયણ દ્વિવેદી(અક્ષર રેસિડેન્સી,વડસર) (૭) આશિષ વિજયભાઈ ભોસલે(ઝંડા ચોક, કિશનવાડી)અને (૮) ચિરાગ સુજનસિંંગ રાઠવા(અક્ષરયુગ સોસાયટી,ખટંબા, વાઘોડિયા).