- ધ્રાંગધ્રામાં એલસીબીના દરોડા
- રોડામાં ક્લબનો સંચાલક નાસી છૂટયો : રોકડ, બાઈક અને કાર સહિત રૂ. 6.77 લાખનો મુદામાલ જપ્ત
ધ્રાંગધ્રા : સુરેન્દ્રનગર જિલ્લા એલસીબી ટીમનો સ્ટાફ પેટ્રોલીંગ કરી રહ્યો હતો જે દરમિયાન ધ્રાંગધ્રા તાલુકાના ખાંભડા ગામે વાડી વિસ્તારમાં જુગારધામ ચાલતું હોવાની બાતમીને આધારે એલસીબી પીએસઆઈ સહિતના સ્ટાફે રેઇડ કરી હતી. પોલીસની રેઇડને પગલે જુગારીઓમાં નાસભાગ મચી જવા પામી હતી.
રેઇડ દરમિયાન પોલીસે સ્થળ પરથી (૧) અંકિતભાઈ ડાહ્યાભાઈ પટેલ (૨) સંજયભાઈ પોપટભાઇ પરેશા (૩) તળસીભાઈ મગનભાઇ પટેલ (૪) સુરેશભાઈ હનુભાઈ ચૌહાણ તથા (૫) સુભાષભાઈ રતુભાઈ ગોયલ સહિતનાઓને જુગાર રમતા રોકડ રૂ.૧,૭૬,૯૦૦, ૦૬ મોબાઇલ કિંમત રૂ.૪૦,૫૦૦, ૦૫ બાઈક કિમત રૂ.૧,૬૦,૦૦૦, કાર કિંમત રૂ.૩,૦૦,૦૦૦ સહિત ફૂલ રૂ.૬,૭૭,૪૦૦ નો મુદામાલ કબજે કર્યો હતો. જ્યારે સ્થળ પરથી હાજર મળી નહિ આવેલ જુગારધામ ચલાવનાર મુખ્ય શખ્સ સુરપાલસિંહ ઉર્ફે સુરુભા દાજીભા સોલંકી, ૦૪ અલગ અલગ નંબરોના વાહન માલિક અથવા ચાલક સહિત ફૂલ ૧૦ શખ્સો વિરુદ્ધ જુગારધારા હેઠળ ધ્રાંગધ્રા તાલુકા પોલીસ મથકે ગુનો નોંધી કાયદેસરની કાર્યવાહી હાથ ધરી છે.
