વડોદરાઃ સુભાનપુરા વિસ્તારમાં આજે પરોઢિયે એક મહિલાનો અછોડો લૂંટી સ્કૂટર ચાલક ફરાર થઇ ગયો હતો.
સુભાનપુરાના શીતલ એપાર્ટમેન્ટમાં રહેતા લક્ષ્મીબેન અગ્નિહોત્રીએ પોલીસને કહ્યું છે કે,આજે પરોઢિયે સાડા પાંચેક વાગે હું મારા ડોગને લઇને ચાલવા નીકળી ત્યારે નૂતન મહેશ્વર સોસાયટી પાસે એક યુવક સ્કૂટર પર મોબાઇલ પર વાત કરતો હતો.
યુવકે એક બંગલાનું સરનામું પૂછતાં મેં ખબર નથી તેમ કહ્યું હતું.આ જ વખતે મારા ગળામાંથી સ્કૂટર ચાલક એક તોલાનો અછોડો લૂંટીને ફરાર થઇ ગયો હતો.ગોરવા પોલીસે સીસીટીવી ફૂટેજને આધારે તપાસ હાથ ધરી છે.
